10.3.5. Por arrendamento de vivenda habitual

Poderá deducirse da cota íntegra autonómica o 10% das cantidades satisfeitas no período impositivo polo alugamento da vivenda habitual do contribuínte, cun máximo de 455 euros.

A porcentaxe de dedución será do 15% co límite de 606##2## euros en caso de alugamento de vivenda habitual no medio rural. Entenderase como tal a vivenda que se sitúe en solo non urbanizable segundo a normativa urbanística vixente no Principado de Asturias, e a que se encontre en concellos de poboación inferior a 3.000 habitantes, con independencia da cualificación do solo.

Requisitos

• A suma da base impoñible xeral e do aforro non debe exceder de 25.009 euros en tributación individual ou de 35.240 euros en tributación conxunta.

• As cantidades satisfeitas en concepto de alugamento deben exceder do 10 por 100 da base impoñible.

• A dedución só poderana aplicar quen figuren como arrendatarios no contrato de arrendamento.

Formalización

Importe satisfeito por quen figure como titular no contrato de arrendamento.

No caso de matrimonio se no contrato figura só un do cónxuxes será este o que poida aplicar a dedución. Se a renda se satisfai con fondos gananciais o cónxuxe, titular do contrato, poderá aplicar a dedución polo 50 %do importe do alugamento. As cantidades satisfeitas polo outro cónxuxe non dan dereito á dedución ao non ter a condición de arrendatario.

Ademais, deberá indicar o NIF do arrendador e se o arrendamento ten lugar ou non no medio rural nos termos anteriormente indicados. Se o arrendador non ten NIF, deberá consignar o Número de Identificación no país de residencia.

O programa trasladará os datos incluídos  ao anexo B6 da declaración.