10.5.13. Por alugamento de vivenda habitual

Os contribuíntes poderán deducir o 20% das cantidades satisfeitas no período impositivo, cun máximo de 600 euros anuais, polo alugamento da súa vivenda habitual.

Requisitos

1. Que non obtivesen no período impositivo rendas superiores (base impoñible xeral máis base impoñible do aforro)

   • 20.000 euros en tributación individual.

   • 30.000 euros en tributación conxunta.

   • A aplicación da presente dedución queda condicionada á declaración por parte do contribuínte do nome e NIF do arrendador, da identificación catastral da vivenda habitual e do canon arrendaticio anual.

2. Que as cantidades satisfeitas en concepto de alugamento excedan do 10 por 100 das rendas obtidas (base impoñible xeral) descontado, se o houbese, o importe das subvencións que percibise o arrendatario.

3. A dedución só poderaa aplicar quen figuren como arrendatarios no contrato de arrendamento.

Formalización

• Importe satisfeito por quen figure como titular no contrato de arrendamento.Tratandose de matrimonios en réxime de gananciais, en que só un do cónxuxes figure como titular do contrato, a cantidade sobre a que este poderá aplicar a dedución será o 50% do importe satisfeito polo alugamento.
• O NIF do arrendador, se o arrendador non ten NIF deberá consignar o Número de Identificación no país de residencia, a referencia catastral da vivenda e, se é o caso, o importe das subvencionres recibidas.

O programa trasladará os datos incluídos ao anexo B6 da declaración.