10.6.4. Por obras de mellora en vivendas

O contribuínte pode deducir un 15% das cantidades satisfeitas en obras realizadas durante o exercicio en calquera vivenda ou vivendas da súa propiedade, sempre que estean situadas na Comunidade de Cantabria ou no edificio en que a vivenda se encontre e que tivesen por obxecto:

1. Unha rehabilitación cualificada como tal pola Dirección Xeral da Vivenda do Goberno de Cantabria.

2. A mellora da eficiencia enerxética, a hixiene, a saúde e protección do medio natural e a accesibilidade á vivenda ou ao edificio en que se encontra.

3. A utilización de enerxías renovables, a seguridade e a estanquidade e en particular: substitución de instalacións de electricidade, auga, gas, calefacción.

4. As obras de instalación de infraestruturas de telecomunicación que permitan o acceso de Internet e a servizos de televisión dixital na vivenda do contribuínte

Non darán dereito a practicar esta dedución as obras que se realizaron en vivendas afectadas a unha actividade económica, prazas de garaxe, xardíns, parques, piscinas e instalacións deportivas e outras elementos análogos.

Base da dedución

A base desta dedución estará constituída polas cantidades  xustificadas con factura e satisfeitas, mediante tarxeta de débito ou crédito, transferencia bancaria, cheque nominativo ou ingreso en contas en entidades de crédito ás persoas ou entidades que realicen tales obras. En ningún caso darán dereito a practicar esta dedución as cantidades satisfeitas mediante entregas de diñeiro en efectivo.

Límites

1. A dedución terá un límite anual de 1.000 euros en tributación individual, e 1.500 en tributación conxunta.

2. Para contribuíntes con incapacidade cun grao de discapacidade igual ou superior a 65% este límite elévase en 500 euros en tributación individual e 500 euros en tributación conxunta por cada contribuínte con esa discapacidade.

As cantidades satisfeitas no exercicio, e non deducidas por exceder do límite anual, poderán deducirse nos dous exercicios seguintes.

Incompatibilidade

En ningún caso darán dereito á aplicación da dedución as cantidades satisfeitas polas que o contribuínte teña dereito a aplicarse a dedución por investimento en vivenda habitual a que se refire o DT 18 da Lei 35/2006.

Formalización

Abrirase unha xanela en que deberá reflectir as cantidades con dereito a dedución satisfeita no exercicio. Cumprirá cubrir, no recadro correspondente, o NIF da persoa ou entidade á que se satisfai as obras.