Saltar ao contido principal
Modelo 100. Declaración do Imposto sobre a Renda das Persoas Físicas 2020

3.3.3. Formas de pagamento

Declaracións a ingresar

No caso de que a declaración fóra a ingresar o contribuínte poderá:

  • Domiciliar o pagamento nunha entidade de crédito que actúe como colaboradora na xestión recadadora (Banco, Caixa de Aforro ou cooperativa de crédito) sita en territorio español en que se encontre aberta ao seu nome a conta en que quere domiciliar.
  • Ingresar obtendo un número de referencia completo (NRC) da súa entidade bancaria.
  • A través dunha carta de pagamento imprimindo este documento de ingreso co que posteriormente pode dirixirse unha entidade colaboradora e efectuar o pagamento.
  • Mediante transferencia. Unicamente os contribuíntes que opten por realizar o ingreso de forma non presencial e non dispoñan dunha conta da súa titularidade en ningunha entidade colaboradora poderán efectuar o pagamento mediante transferencia previa recoñecemento de débeda. Se o pagamento se realiza desde unha entidade colaboradora será devolto á conta de orixe non tendo ningún efecto coas consecuencias legais que implica o incumprimento da obriga de pagamento.

Outras formas de pagamento e / ou extinción da débeda

  • Pagamento mediante entrega de bens integrantes do Patrimonio Histórico Español

    O pagamento poderá realizarse mediante entrega de bens integrantes do Patrimonio Histórico Español que estean inscritos no Inventario Xeral de Bens Mobles ou no Rexistro Xeral de Bens de Interese Cultural, de acordo co que se dispón no artigo 73 da Lei 16/1985, do 25 de xuño, do Patrimonio Histórico Español. O contribuínte que pretenda utilizar este medio de pagamento en especie como medio para satisfacer débedas polo IRPF á Administración deberá seguir o procedemento establecido para ese fin polo artigo 40 do Regulamento Xeral de Recadación, aprobado polo Real decreto 939/2005, do 29 de xullo (BOE do 2 de setembro). Con esta finalidade, o procedemento para a presentación electrónica de autoliquidacións con resultado a ingresar con solicitude de pagamento mediante entrega de bens do Patrimonio Histórico Español regúlase no artigo 10 da Orde HAP/2194/2013, do 22 de novembro, pola que se regulan os procedementos e as condicións xerais para a presentación de determinadas autoliquidacións, declaracións informativas, declaracións censuais, comunicacións e solicitudes de devolución, de natureza tributaria. En ningún caso, a presentación electrónica da autoliquidación terá, por si mesma, a consideración de solicitude de pagamento mediante a entrega de bens do Patrimonio Histórico Español.

  • Extinción mediante anotación no sistema de conta corrente en materia tributaria

    Os contribuíntes do IRPF que se encontren acollidos ao sistema de conta corrente en materia tributaria regulado nos artigos 138 a 143 do Regulamento Xeral das actuacións e os procedementos de xestión e inspección tributaria e de desenvolvemento das normas comúns dos procedementos de aplicación dos tributos, aprobado polo Real decreto 1065/2007, do 27 de xullo, presentarán a súa declaración de acordo coas regras previstas no apartado sexto da Orde do 30 de setembro de 1999, pola que se aproba o modelo de solicitude de inclusión no sistema de conta corrente en materia tributaria, establécese o lugar de presentación das declaracións tributarias que xeren débedas ou créditos que deban anotarse na devandita conta corrente tributaria e desenvólvese o que se dispón no Real decreto 1108/1999, do 25 de xuño, polo que se regula o sistema de conta corrente en materia tributaria.

  • Extinción por compensación con créditos tributarios recoñecidos

    As débedas tributarias resultantes das declaracións do IRPF poderán tamén extinguirse por compensación con créditos tributarios recoñecidos por acto administrativo a favor do mesmo obrigado tributario, nos termos previstos nos artigos 71 e seguintes da Lei Xeral Tributaria e de acordo coas condicións e o procedemento establecido nos artigos 55 e seguintes do Regulamento Xeral de Recadación.