Compra, Variación de existencias e Outros consumos de explotación

Compras de existencias

Inclúe o aprovisionamento de mercadorías e materias primas polo seu prezo de adquisición.

O prezo de adquisición comprenderá o consignado na factura máis todos os gastos adicionais que se produzan ata que os bens se achen en almacén, tales como transportes, aduanas, seguros, etc.

O custo de produción dos produtos fabricados pola propia empresa determinarase engadindo ao prezo de adquisición das materias primas e outras materias consumibles, os custos directamente imputables ao produto, así como a parte que razoablemente corresponda dos custos indirectos soportados durante o proceso de fabricación.

Variación de existencias

A variación de existencias é a diferenza que existe entre as existencias iniciais e os finais do exercicio contable, valoradas estas polo seu prezo de adquisición. Así cando a valoración das existencias iniciais é maior que a valoración das existencias finais, a devandita variación ten que reflectirse como gasto.

Outros consumos de explotación

Incluiríase o consumo no exercicio doutros aprovisionamentos (distintos de mercadorías e materias primas) destinados ao proceso de produción ou utilizados na prestación de servizo (elementos e conxuntos incorporables, combustibles, repostos, materiais diversos, envases, embalaxes, material de oficina...).

• Por elementos e conxuntos incorporables enténdense os fabricados normalmente fóra da empresa e adquiridos por esta para incorporaros ao seu proceso de produción sen someteros a transformación.

• No caso de combustibles incluirase unicamente o consumo de materias enerxéticas susceptibles de almacenaxe.

• Son repostos as pezas destinadas a ser montadas en instalacións equipos ou máquinas en substitución doutras semellantes.

• Por materiais diversos enténdese outras materias de consumo que non teñen que incorporarse o produto fabricado.