Saltar ao contido principal
Modelo 100. Declaración do Imposto sobre a Renda das Persoas Físicas 2021

10.11.10. Por investimento en accións de entidades que cotizan no segmento de empresas en expansión do Mercado Alternativo Bolsista

Os contribuíntes poderán deducir o 15% das cantidades investidas durante o exercicio na adquisición de accións como consecuencia de acordos de ampliación de capital subscrita por medio do segmento de empresas en expansión do Mercado Alternativo Bolsista, aprobado por acordo do Consello de ministros do 30 de decembro de 2005.

A dedución calculada ratearase por partes iguais no exercicio en que se realice o investimento e nos tres exercicios seguintes.

Límite

A dedución terá un límite de 4.000 euros. A dedución total calculada ratearase por partes iguais no exercicio en que se realice o investimento e nos tres exercicios seguintes.

Requisitos

  1. A participación conseguida polo contribuínte na sociedade obxecto do investimento non pode ser superior ao 10 %da súa capital social.

  2. As accións adquiridas deben manterse no patrimonio do contribuínte durante un período de tres anos, como mínimo .

  3. A sociedade obxecto do investimento debe ter o domicilio social e fiscal en Galicia, e non debe ter como actividade principal a xestión dun patrimonio mobiliario ou inmobiliario, de acordo co disposto polo artigo 4.8.Dous.a) da Lei, do Estado, 19/1991, do 6 de xuño, do imposto sobre o patrimonio.

  4. As operacións deberán formalizarse en escritura pública en que se debe especificar a identidade dos investidores e o importe do investimento respectivo.

Os requisitos indicados nas letras a) e c) anteriores deberán cumprirse durante un período de tres anos como mínimo, contado desde a data de adquisición da participación.

Incumprimento dos requisitos

O incumprimento dos requisitos anteriores comporta a perda do beneficio fiscal, e o contribuínte debe incluír na declaración do imposto correspondente ao exercicio en que se produciu o incumprimento a parte do imposto que se deixou de pagar como consecuencia da aplicación da dedución practicada, canda os intereses de amora reportada.

Incompatibilidade

Esta dedución resultará incompatible, para os mesmos investimentos, coas deducións “Por investimento na adquisición de accións ou participacións sociais en entidades novas ou de recente creación”, “Por investimento na adquisición de accións ou participacións  sociais en entidades novas ou de recente creación e o seu financiamento” e “Por investimento en empresas que desenvolvan actividades agrarias”.

Formalización

Deberá indicar as cantidades investidas en cada ano con dereito a dedución así como  o NIF da entidade en que realiza o investimento. En caso de matrimonio se o investimento é común a ambos os dous deberá consignar o 50% na declaración de cada cónxuxe.

O programa trasladará o importe ao Anexo B.8.