10.14.17. Pola contratación de persoas para o coidado de familiares afectados por COVID-19

Contía

Os contribuíntes que contratasen persoal para o coidado de ascendentes ou descendentes, como consecuencia do resultado positivo dos mesmos en probas de COVID-19 ou por permanecer en corentena desde a fin do estado de alarma de agora en diante, poderán deducir un 15% dos devanditos gastos cun máximo de 300 euros por contribuínte. Esta medida será de aplicación aos contratos formalizados a partir do 14 de marzo de 2020 inclusive.

Requisitos e condicións

• Que o contribuínte exerza unha actividade laboral, por conta propia ou allea, fóra do domicilio familiar, polo menos durante o período en que se encontre contratado o persoal destinado ao coidado do seu familiar

• Que se acredite a existencia dunha persoa con contrato laboral e alto en Seguridade Social no epígrafe correspondente a Empregados do fogar-coidador de familias ou similar para o coidado dos menores ou persoas maiores.

• O contrato deberá haberse formalizado a partir do 14 de marzo de 2020 inclusive, como consecuencia do resultado positivo en probas de COVID-19 dos ascendentes ou descendentes desde esa mesma data ou ben por corentena dos mesmos desde a fin de estado de alarma de agora en diante.

• Que se teña dereito ao mínimo por ascendentes ou descendentes na declaración de IRPF das persoas para cuxo coidado se contrata o persoal antes mencionado.

• Deberá acreditarse, de calquera maneira posible, que o ascendente ou descendente deron resultado positivo no test de COVID-19 ou foron obxecto de confinamento por contacto con persoas ou colectivos de risco.

Formalización

Consignará o importe satisfeito con dereito á dedución e o NIF da persoa empregada do fogar.