10.3.4. Por adquisición ou rehabilitación de vivenda habitual en zonas rurais en risco de despoboamento

Contía

O 10% das cantidades satisfeitas durante o exercicio en concepto de adquisición ou rehabilitación da citada vivenda.

Requisitos e condicións

• Poderán aplicar a dedución os contribuíntes de ata 35 anos, os membros de familias numerosas ou monoparentais que adquiran ou rehabiliten unha vivenda situada en zonas rurais en risco de despoboamento sito no Principado de Asturias que vaia a constituír a súa vivenda habitual.

• Aos efectos da dedución, considéranse membros de familias numerosas aos contribuíntes que formen parte dunha unidade familiar que, a data de devindicación do imposto, ostente o título de familia numerosa expedido pola autoridade competente en materia de servizos sociais.

• Aos efectos da dedución considéranse membros de familias monoparentais, aos contribuíntes que teñan ao seu cargo descendentes, sempre que non convivan con calquera outra persoa allea aos citados descendentes, non sendo que se trate de ascendentes que xeren o dereito á aplicación do mínimo por ascendentes.

• O inmoble ten que destinarse a constituír a vivenda habitual do contribuínte e o domicilio fiscal tense que manter na zona rural en risco de despoboamento durante polo menos tres anos.

  O concepto de vivenda habitual é o establecido na normativa de IRPF.

  Cando a vivenda teña a consideración de vivenda habitual, malia non haberse residido nela un período mínimo de tres anos, para poder aplicar a dedución será en necesario ter o domicilio fiscal durante tres anos na mesma zona con risco de despoboamento. No caso de falecemento a dedución resultará de aplicación nos exercicios previos (se é o caso) e tamén no de falecemento.

• A dedución aplicarase no período impositivo en que se adquira ou inicie a rehabilitación da vivenda aínda cando a esa data non constitúa a vivenda habitual do contribuínte.

• A base impoñible do contribuínte non pode exceder de 25.009 euros en tributación individual nin de 35.240 euros en tributación conxunta.

• Cando dous ou máis contribuíntes teñan dereito á aplicación desta dedución respecto dos mesmos bens para un mesmo período impositivo, cada un aplicará a dedución polas cantidades que efectivamente satisfaga aínda que  a base  máxima  da dedución ratearase entre eles por partes iguais.

• Aos efectos da presente dedución, terán a consideración de zonas rurais en risco de despoboamento as que se determinen pola resolución da Consellaría de Facenda.

  Resolución do BOPA

Base da dedución

A base máxima desta dedución será de 10.000 euros tanto en declaración individual como en conxunta.

A base máxima da dedución ratearase por partes iguais entre o número de contribuíntes con dereito á dedución.

No caso de financiamento alleo só forman parte da base da dedución as cantidades amortizadas do préstamo en cada ano.

As cantidades satisfeitas no período impositivo da adquisición, mentres a vivenda está en construción, forman parte da base da dedución.

Formalización

• Reflectirá as cantidades satisfeitas con dereito á dedución.

  En caso de matrimonio e se o investimento corresponde a ambos os dous cónxuxes por partes iguais, indicarase o 50% das cantidades satisfeitas por ambos os dous.

• Indicará o número de persoas con dereito á dedución.

• Se forma parte dunha familia numerosa ou monoparental marcará o recadro habilitado con este fin.