10.5.25. Por desarraigamento pola erupción volcánica na illa da Palma

Esta dedución non será aplicable aos contribuíntes falecidos antes do 19 de setembro de 2021.

Contía

1. Os contribuíntes que perdesen un inmoble por estar destruído, inhabitable ou inaccesible como consecuencia da erupción volcánica iniciada o 19 de setembro de 2021 na illa da Palma, poderán deducirse da cota íntegra autonómica nos períodos impositivos 2021 e 2022, por cada un destes bens, as seguintes cantidades:

   • 2000 euros pola vivenda en que residían e os inmobles afectos a actividades empresariais ou profesionais, incluídas as actividades agrícolas, gandeiras, forestais ou pesqueiras.

   • 1.000 euros polo resto de bens inmobles.

2. Os contribuíntes que perdesen calquera vehículo a motor que desaparecese, como consecuencia da erupción volcánica da illa da Palma iniciada o 19 de setembro de 2021, poderán deducirse da cota íntegra autonómica no período impositivo 2021, por cada un destes bens, as seguintes cantidades:

   • 300 euros polos vehículos a motor dotado de máis de dúas prazas.

   • 100 euros polos vehículos a motor dotado de ata dúas prazas.

   • 50 euros polos vehículos a motor dotado dunha soa praza.

Requisitos e condicións

• A dedución só se poderá aplicar cando a perda do inmoble é total, ben porque este desaparece por destrución, ou porque de forma definitiva, é inhabitable ou inaccesible.

• O contribuínte deberá acreditar a existencia e titularidade dos citados bens, como propietario, usufrutuario ou nó propietario por calquera medio de proba admitida en dereito.

• A dedución só se aplica polas vivendas non polos garaxes nin polos rochos nin por outros anexos.

  Se o inmoble ten unha referencia catastral única (que englobase  a vivenda, o garaxe..)  deberá acreditarse a existencia da vivenda por calquera medio de proba admitida en dereito.

• Para que un inmoble se considere afecto a actividades empresariais ou profesionais, a actividade ten que ser exercida polo titular do inmoble ou polo seu cónxuxe.

  Se a actividade se exerce a través dunha entidade en atribución de rendas, só considerarase o inmoble afecto cando o titular do inmoble ou o seu cónxuxe exerzan a actividade a través dela .

• No caso de vehículos este non debe figurar no momento da súa desaparición como dado de baixa no rexistro da Dirección Xeral de Tráfico ou no rexistro administrativo correspondente, nin estar embargado por unha Administración pública.

• Cando sexan varios os titulares, o importe da dedución ratearase entre eles de forma proporcional á súa porcentaxe de titularidade.

• Se un mesmo inmoble ten diferentes usos, unicamente poderase aplicar o importe da dedución correspondente a un deles .

  Polo tanto, sobre o mesmo inmoble non se pode aplicar simultaneamente máis dunha dedución podendo optar por aplicar o importe superior que corresponde aos diferentes usos do inmoble.

Límite

As deducións recollidas nos apartados 1 e 2 terán como límite, respectivamente, o 50% e o 10% da cota íntegra autonómica.

Formalización

1. Para cada inmoble destruído, inhabitable ou inaccesible indicará se era a súa vivenda habitual e / ou un inmoble afecto a actividades económicas; ademais, reflectirá a clave que corresponda ao dereito que ostenta sobre o inmoble e a porcentaxe que lle corresponde.

   Se sobre o mesmo inmoble fose propietario e usufrutuario e / ou nó propietario consignará de maneira separada, dando de  Alta o mesmo  inmoble,  a porcentaxe que ostenta sobre cada un deses dereitos.

   Se tivese máis dun inmoble polo que se pode aplicar a dedución terá que daro de alta picando en "Alta". A continuación deberá consignar os datos relativos ao mesmo.

2. Por cada vehículo a motor que desaparecese consignará a clave que corresponda ao mesmo e a que corresponda ao dereito que ostenta sobre o vehículo; ademais reflectirá a porcentaxe que lle corresponde.

   Se sobre o mesmo vehículo fose propietario e usufrutuario e / ou nó propietario reflectirá de maneira separada, dando de alta o  mesmo vehículo, a porcentaxe que ostenta sobre cada un deses dereitos.

   Se tivese máis dun vehículo polo que se pode aplicar a dedución terá que daro de alta picando en "Alta". A continuación deberá consignar os datos relativos ao mesmo.