10.5.28. Por mínimo persoal, familiar e por discapacidade para residentes na illa da Palma

Esta dedución non será aplicable aos contribuíntes falecidos antes do 19 de setembro de 2021.

Os contribuíntes con residencia habitual no ano 2021 na illa da Palma poderán practicar unha dedución na cota íntegra autonómica equivalente ao resultado de aplicar o tipo de gravame do primeiro tramo da escala autonómica, sobre unha base constituída polo 10 %de cada unha das contías correspondentes ao mínimo do contribuínte e aos mínimos por descendentes, ascendentes e discapacidade regulada na Lei de IRPF sempre que concorra algunha das seguintes situacións:

• Que fosen desaloxados de forma definitiva dos inmobles onde residían, por quedar destruídos, inhabitables ou inaccesibles, como consecuencia da erupción volcánica iniciada o 19 de setembro de 2021.

  Os contribuíntes desaloxados deberán acreditar, por calquera medio de proba admitida en dereito, como por exemplo, certificado de empadroamento ou contrato de alugamento, entre outros, que  na devandita data tiñan a súa residencia neses inmobles, con independencia do tempo de permanencia nos mesmos anterior á devandita data.

• Que os inmobles onde se situaban os seus lugares de traballo ou os seus medios de subsistencia, quedasen destruídos, inhabitables ou inaccesibles de forma definitiva, como consecuencia da erupción volcánica iniciada o 19 de setembro de 2021.

  Terán que acreditar, por calquera medio de proba admitida en dereito, que na devandita data eses inmobles constituían o lugar de traballo do contribuínte ou o seu medio de subsistencia, con independencia do tempo anterior en que o fosen.

Esta dedución será aplicable exclusivamente nos exercicios 2021 e 2022.

Formalización

Se cumpre os requisitos para ter dereito á dedución marcará o recadro habilitado para ese fin.