10.5.8. Por contribuíntes con discapacidade e maiores de 65 anos

Por circunstancias persoais poderán aplicarse as seguintes deducións compatibles entre si:

• 300 euros por cada contribuínte cun grao de discapacidade igual ou superior ao 33 %.

• 120 euros por cada contribuínte maior de 65 anos.

A determinación das circunstancias persoais e familiares que deban terse en conta para a aplicación desta dedución realizarase atendendo á situación existente na data de devindicación do imposto.

Só poderán aplicar esta dedución o contribuínte cuxas bases impoñibles (xeral e do aforro) non superen os 39.000 euros en tributación individual e os 52.000 en conxunta.

Formalización

O importe da dedución será calculado polo programa de acordo cos datos reflectidos nas xanelas de datos persoais e familiares.