10.6.8. Por gastos de enfermidade

O contribuínte poderase deducir un 10% dos gastos e honorarios profesionais abonados durante o ano pola prestación de servizos sanitarios por motivo de enfermidade, saúde, embarazo e nacemento de fillos, accidentes e invalidez, tanto propios como das persoas que se inclúan no mínimo familiar desde que estes honorarios non estean cubertos pola Se­guridad Social ou se é o caso pola Mutua ou entidade ase­guradora correspondente do contribuínte.

Límites

Esta dedución terá un límite anual de 500 euros en declaración individual e de 700 en declaración conxunta. Estes límites incrementaranse en 100 euros en tributación individual cando o contribuínte sexa unha persoa con discapacidade e acredite un grao de discapacidade igual ou superior ao 65 %. En  tributación conxunta o incremento será de 100 euros por cada contribuínte coa devandita discapacidade.

Requisitos

A base liquidable do período minorado no mínimo perso­nal e familiar ten que ser inferior a 22.946 euros en tributación individual ou a 31.485 euros en tributación conxunta.

Base da dedución

A base conxunta desta dedución estará constituída polas cantidades xustificadas con factura e satisfeitas mediante tarxeta de crédito ou débito, transferencia bancaria, cheque nominativo ou ingreso en contas en entidades de crédito, ás persoas ou entidades que presten os servizos.

En ningún caso, darán dereito a practicar esta dedución as cantidades satisfeitas mediante entregas de diñeiro en efectivo.

Formalización

Deberá reflectir as cantidades satisfeitas pola prestación de servizos sanitarios.