10.9.6. Para os contribuíntes que queden viúvos

Os contribuíntes que queden viúvos durante o exercicio poden aplicarse unha dedución de 150 euros.

Esta dedución será aplicable na declaración correspondente ao exercicio en que os contribuíntes queden viúvos e nos dous exercicios inmediatamente posteriores de tal xeito que os contribuíntes que queden viúvos no exercicio 2021, poderán aplicar a dedución nos exercicios 2022 e 2023.

Se o contribuínte que queda viúvo ten ao seu cargo un ou máis descendentes con dereito ao mínimo por descendentes, poderá aplicar unha dedución de 300 euros na declaración do exercicio en que quede viúvo, e na dos dous exercicios inmediatamente posteriores, desde que os descendentes manteñan os requisitos para computar para os efectos de aplicar o devandito mínimo.

Formalización

Se conforme ao exposto ten dereito á dedución marcará a/s recadros correspondentes.