7.2.3.1. Intereses de contas e depósitos e de activos financeiros en xeral.

Ingresos íntegros

Incluirase neste apartado a contraprestación, calquera que sexa a súa denominación ou natureza, derivada de contas e depósitos en toda clase de institucións financeiras, incluíndo as baseadas en operacións sobre activos financeiros.

Tamén se farán constar neste apartado os intereses explícitos obtidos de calquera clase de activos representativos da captación e utilización de capitais alleas.

Se o rendemento se percibiu en especie, deberá computarse como ingreso íntegro o valor de mercado dos bens ou servizos recibidos. Ao devandito valor se adicionará o ingreso a conta, non sendo que o seu importe fose repercutido ao perceptor da renda.

Cando os rendementos procedan de préstamos realizados a entidades vinculadas co contribuínte , deben integrarse na base impoñible xeral, os intereses correspondentes ao exceso do importe dos capitais propios cedidos á entidade respecto do resultado de multiplicar por 3 os fondos propios na parte que corresponda á participación do contribuínte nesta última. 

As prestacións de bens ou dereitos susceptibles de xerar rendementos do capital mobiliario presumiranse retribuídas, agás proba en contrario. En defecto de proba en contrario, a valoración da renda estimada, efectuarase aplicando o xuro legal do diñeiro que se ache en vigor o último día do período impositivo, o 3% 100 para o exercicio 2021.

Retencións

Así mesmo, indicarase neste apartado as retencións practicadas ou ingresos a conta efectuados sobre os rendementos reportados e será trasladado polo programa ao recadro  0597.

Gastos deducibles (art. 26.1 Lei)

• Intereses de contas e depósitos:

  En ningún caso poderán computarse gastos deducibles respecto destes rendementos.

• Intereses de activos financeiros:

  Como gastos deducibles consignaranse exclusivamente os gastos de administración e depósito de valores negociables.

  Con esta finalidade, consideraranse como gastos de administración e depósito aqueles importes que repercutan as empresas de servizos de investimento, entidades de crédito ou outras entidades financeiras que, de acordo co Real decreto Lexislativo 4/2015, do 23 de outubro, polo que se aproba o texto refundido da Lei do Mercado de Valores teñan por finalidade retribuír a prestación derivada da realización, por conta dos seus titulares, do servizo de depósito de valores representados en forma de títulos ou da administración de valores representados en anotacións en conta.

  Non seran deducibles as contías que supoñan a contraprestación dunha xestión discrecional e individualizada de carteiras de investimento, onde prodúzase unha disposición dos investimentos efectuados por conta dos titulares de acordo cos mandatos conferidos por estes.