Perdas por insolvencias de debedores

1. Serán deducibles as perdas por deterioración dos créditos derivadas das posibles insolvencias dos debedores, cando no momento da devindicación do imposto, concorran algunha das circunstancias previstas no Art. 13 da LIS , isto é:

   1. Que transcorrese o prazo de  6 meses desde o vencemento da obriga. Para os contribuíntes que teñan a consideración de  empresa de reducida dimensión o prazo será de 3 meses.

   2. Que o debedor estea declarado en situación de concurso.

   3. Que o debedor estea procesado polo delito de ocultación de bens.

   4. Que as obrigas fosen reclamadas xudicialmente ou sexan obxecto dun litixio xudicial ou procedemento arbitral de cuxa solución dependa o seu cobramento.

   No caso de empresas de reducida dimensión, os titulares poderán, ademais, deducir a perda por deterioración dos créditos por posibles insolvencias de debedores ata o límite do 1 %sobre os debedores existentes á conclusión do período impositivo, exceptuados aqueles sobre os que se recoñecese de forma individualizada a perda por insolvencias e aqueles respecto dos que as perdas por deterioración non teñan o carácter de deducibles.

2. Non serán deducibles as perdas por deterioración de créditos cando:

   1. Os créditos sexan debidos por entidades de dereito público non sendo que sexan obxecto dun procedemento arbitral ou xudicial que verse sobre a súa contía ou existencia.

   2. Os créditos debidos por persoas ou entidades vinculadas, non sendo que estean en situación de concurso e producísese a fase de liquidación nos termos previstos na Lei Concursal.

   3. As correspondentes a estimacións globais do risco de insolvencias de clientes e debedores.