Seguridade Social ou achegas a mutualidades do titular da actividade

Neste apartado incluiranse as cotizacións ao réxime especial de traballadores autónomos (RETA) do titular da actividade  e, se é o caso, as achegas a mutualidades de previsión social  do empresario ou profesional.

Mutualidades de Previsión Social do empresario ou profesional

Como regra xeral, non son deducibles para determinar os rendementos da actividade económica as achegas a Mutualidades de Previsión Social do propio empresario ou profesional, sen prexuízo de que poidan ser obxecto de redución da parte xeral da base impoñible.

Non obstante, terán a consideración de gasto deducible as cantidades abonadas en virtude de contratos de seguro concertado con mutualidades de previsión social por profesionais non integrados no réxime especial da Seguridade Social dos traballadores por conta propia ou autónomos, cando, para os efectos de dar cumprimento á obriga prevista na disposición adicional décimo quinta da Lei 30/1995, do 8 de novembro, de Ordenación e Supervisión dos Seguros Privados, actuen como alternativas ao réxime especial da Seguridade Social mencionado, na parte que teña por obxecto a cobertura de continxencias atendidas pola Seguridade Social, co límite da cota máxima por continxencias comúns que estea establecida en cada exercicio económico pola Seguridade Social.