10.15.21. Por contribuíntes con dous ou máis descendentes

Contía

Os contribuíntes con dous ou máis descendentes poderán deducir o 10% do importe da cota íntegra autonómica, en tributación individual ou conxunta, unha vez deducidas da mesma as minoracións para determinar a cota líquida autonómica, excluída a presente dedución, ás que se refire a normativa estatal reguladora do imposto.

Requisitos

1. Que os descendentes xeren a favor do contribuínte o dereito á aplicación do correspondente mínimo por descendentes establecidos pola normativa estatal reguladora do imposto.

2. Que a suma das seguintes bases impoñibles non sexa superior a 30.000 euros (ou 24.000 euros no caso de contribuíntes falecidos antes do 28 de outubro) :

   • As dos contribuíntes que teñan dereito, polos mesmos descendentes, á aplicación do mínimo por descendentes.

   • As dos propios descendentes que dan dereito ao citado mínimo.

   • As de todos os membros da unidade familiar que tributen conxuntamente co contribuínte e que non se encontren incluídos nos dous apartados anteriores.

Formalización

Se cumpre os requisitos para aplicar a dedución deberá marcar o recadro habilitado con este fin.