10.15.30. Por adquisición de vehículos novos pertencentes ás categorías incluídas na Orde 5/2020, do 8 de xuño

1. En xeral:

   • Contía

     O 10% das cantidades destinadas polo contribuínte durante o período impositivo á adquisición de vehículos novos pertencentes ás categorías incluídas na Orde 5/2020, do 8 de xuño, da Consellaría de Política Territorial, Obras Públicas e Mobilidade, pola que se aproban as bases reguladoras para o outorgamento de subvencións para a adquisición ou electrificación de bicicletas urbanas e vehículos eléctricos de mobilidade persoal.

   • Requisitos e condicións

     • En cada período impositivo o contribuínte poderá deducirse as cantidades destinadas á adquisición dun único vehículo.

     • A dedución é aplicable á adquisición de bicicletas eléctricas, bicicletas convencionais, VMP eléctricos e a kits de electrificación de bicicletas.

     • A dedución será aplicable a vehículos que non tivesen dereito a obter axudas por exceder a compra dos importes máximos subvencionables previstos na citada Orde aínda que estes importes servirán de referencia para o límite de base da dedución.

       Estes importes son: 1.400 euros para bicicletas eléctricas, para bicicletas convencionais 500 ou 700 euros (se se trata de bicicletas familiares con elemento de carga para transporte infantil), 600 euros para os kits de electrificación e 450 para os VMP eléctricos.

     • A dedución queda condicionada a que a entrega dos importes monetarios derivados do acto ou negocio xurídico que de dereito á aplicación daquelas realícese mediante tarxeta de crédito ou débito, transferencia bancaria, cheque nominativo ou ingreso en contas en entidades de crédito.

     • A suma da base liquidable xeral e da base liquidable do aforro non poderá ser superior a 30.000 euros, en tributación individual, ou a 47.000 euros, en tributación conxunta.

   • Base máxima de dedución

     A base máxima da dedución estará constituída polo importe máximo subvencionable para cada tipo de vehículo, de acordo coa mencionada Orde 5/2020, do 8 de xuño, incrementado nun 10 %, de que se excluirá a parte da adquisición financiada con subvencións ou axudas públicas.

     Se existe máis dun contribuínte con dereito a aplicar a dedución sobre o mesmo vehículo a base máxima ratearase entre eles.

   • Límite

     O importe íntegro da dedución soa será aplicable aos contribuíntes cuxa suma da base liquidable xeral e da base liquidable do aforro sexa inferior a 27.000 euros en tributación individual, ou inferior a 44.000 euros, en tributación conxunta.

     Cando a suma da base liquidable xeral e da base liquidable do aforro estea comprendida entre 27.000 e 30.000 euros en tributación individual, ou entre 44.000 e 47.000 euros en tributación conxunta, os importes e límites de dedución serán os seguintes:

     1. En tributación individual, o resultado de multiplicar o importe ou límite de dedución por unha porcentaxe obtida da aplicación da seguinte fórmula: 100 X (1 – o coeficiente resultante de dividir por 3.000 a diferenza entre a suma da base liquidable xeral e do aforro do contribuínte e 27.000).

     2. En tributación conxunta, o resultado de multiplicar o importe ou límite de dedución por unha porcentaxe obtida da aplicación da seguinte fórmula: 100 X (1 – o coeficiente resultante de dividir por 3.000 a diferenza entre a suma da base liquidable xeral e do aforro do contribuínte e 44.000).

2. Para contribuíntes falecidos antes do 28 de outubro:

   • Contía

     O 10% das cantidades destinadas polo contribuínte durante o período impositivo á adquisición de vehículos novos pertencentes ás categorías incluídas na Orde 5/2020, do 8 de xuño, da Consellaría de Política Territorial, Obras Públicas e Mobilidade, pola que se aproban as bases reguladoras para o outorgamento de subvencións para a adquisición ou electrificación de bicicletas urbanas e vehículos eléctricos de mobilidade persoal.

   • Requisitos e condicións

     • En cada período impositivo o contribuínte poderá deducirse as cantidades destinadas á adquisición dun único vehículo.

     • A dedución é aplicable á adquisición de bicicletas eléctricas, bicicletas convencionais, VMP eléctricos e a kits de electrificación de bicicletas.

     • A dedución será aplicable a vehículos que non tivesen dereito a obter axudas por exceder a compra dos importes máximos subvencionables previstos na citada Orde aínda que estes importes servirán de referencia para o límite de base da dedución.

       Estes importes son: 1.400 euros para bicicletas eléctricas, para bicicletas convencionais 500 ou 700 euros (se se trata de bicicletas familiares con elemento de carga para transporte infantil), 600 euros para os kits de electrificación e 450 para os VMP eléctricos.

     • A dedución queda condicionada a que a entrega dos importes monetarios derivados do acto ou negocio xurídico que de dereito á aplicación daquelas realícese mediante tarxeta de crédito ou débito, transferencia bancaria, cheque nominativo ou ingreso en contas en entidades de crédito.

     • A suma da base liquidable xeral e da base liquidable do aforro non poderá ser superior a 25.000 euros.

   • Base máxima de dedución

     A base máxima  estará constituída polo importe máximo subvencionable para cada tipo de vehículo, de acordo coa Orde  5/2020, do  8 de xuño, de que se excluirá a parte da adquisición financiada con subvencións ou axudas públicas.

     Se existe máis dun contribuínte con dereito a aplicar a dedución sobre o mesmo vehículo a base máxima ratearase entre eles.

   • Límite

     O importe íntegro da dedución soa será aplicable aos contribuíntes cuxa suma da base liquidable xeral e da base liquidable do aforro sexa inferior a 23.000 euros.

     Cando a suma da base liquidable xeral e da base liquidable do aforro estea comprendida entre 23.000 e 25.000 euros o límite de dedución será o resultado de multiplicar o importe ou límite de dedución por unha porcentaxe obtida da aplicación da seguinte fórmula: 100 X (1 – o coeficiente resultante de dividir por 2000 a diferenza entre a suma da base liquidable xeral e do aforro do contribuínte e 23.000).

Formalización

No recadro correspondente á categoría do   vehículo consignará o importe destinado á adquisición (excluída a parte da adquisición financiada con subvencións ou axudas públicas) e número de persoas con dereito á dedución.