10.4.2. Por gastos de adquisición de libros de texto

1. En xeral  (períodos impositivos que finalizan o 31 de decembro)

   • Contía

     Polo concepto de gastos en libros de texto editado para segundo ciclo de educación infantil, educación primaria, educación secundaria obrigatoria, bacharelato e os ciclos formativos de formación profesional específica, deducirase  o 100% dos importes destinados a aqueles gastos por cada fillo que curse os devanditos estudos cun límite máximo de 220 euros por fillo.

   • Requisitos e condicións

     • Para os efectos da aplicación desta dedución só poderán terse en conta os fillos que dean dereito ao mínimo familiar por descendentes.

     • Se os fillos conviven con ambos os dous pais e estes optan pola tributación individual ratearase tanto as cantidades satisfeitas como o límite máximo da dedución aplicable.

     • A base impoñible total non poderá superar os 52.800 euros no caso de tributación conxunta e os 33.000 euros no de tributación individual.

     • O contribuínte deberá conservar, a disposición da Administración tributaria as facturas ou os documentos equivalentes que xustifiquen os gastos.

2. Contribuíntes falecidos un día distinto do 31 de decembro

   • Contía

     Polo concepto de gastos en libros de texto editado para segundo ciclo de educación infantil, educación primaria, educación secundaria obrigatoria, bacharelato e os ciclos formativos de formación profesional específica, deducirase o 100% dos importes destinados a aqueles gastos por cada fillo que curse os devanditos estudos.

   • Requisitos e condicións

     • Para os efectos da aplicación desta dedución só poderán terse en conta os fillos que dean dereito ao mínimo familiar por descendentes.

     • Ratearanse tanto as cantidades satisfeitas como o límite máximo da dedución aplicable.

     • No caso de contribuíntes falecidos antes do 31/03/2022 a base impoñible total non poderá superar os 12.500 euros.

       Para os contribuíntes falecidos entre o 31/03/2022 e o 30/12/2022 a base impoñible total non pode superar os 13.750 euros.

     • O contribuínte deberá conservar, a disposición da Administración tributaria as facturas ou os documentos equivalentes que xustifiquen os gastos.

   • Límites

     A dedución aplicada polos gastos orixinados non pode exceder dos seguintes límites:

     Contribuíntes falecidos antes do 31/03/2022

     Base impoñible *	LIMITE dedución
     Ata 6.500,00 euros	100 euros/fillo
     Entre 6.500,01 e 10.000,00 euros	75 euros/fillo
     Entre 10.000,01 e 12.500,00 euros	50 euros/fillo

     Contribuíntes falecidos entre o 31/03/2022 e o 30/12/2022 

     Base impoñible *	LIMITE dedución
     Ata 7.150 euros	100 euros/fillo
     Entre 7.150,01 e 11.000 euros	75 euros/fillo
     Entre 11.000,01 e 13.750 euros	50 euros/fillo

Formalización

A través dunha xanela de captura de datos deberá indicar o importe do gasto satisfeito polo titular da declaración, reflectindo pola súa parte no recadro que proceda (fillos de ambos os dous cónxuxes ou fillos do titular da declaración) o número de fillos que orixinou o gasto tendo en conta que o  mesmo fillo só debe reflectirse nunha dos recadros.