10.4.3. Por gastos de aprendizaxe extraescolar de idiomas estranxeiros

1. En xeral  (períodos impositivos que finalizan o 31 de decembro)

   • Contía

     Polo concepto de gastos na aprendizaxe extraescolar de idiomas estranxeiros, deducirase o 15% dos importes destinados á devandita aprendizaxe co límite de 110 euros por fillo.

   • Requisitos e condicións

     • Só darán dereito a deducir os gastos realizados nos fillos que dean dereito ao mínimo por descendentes.

     • Os fillos deberán cursar estudos de segundo ciclo de educación infantil, educación primaria, educación secundaria obrigatoria, bacharelato e os ciclos formativos de formación profesional específica.

     • A base impoñible total non poderá superar os 52.800 euros en tributación conxunta e os 33.000 euros no de tributación individual.

     • Se os fillos conviven con ambos os dous pais e estes optan pola tributación individual  ratearanse tanto as cantidades satisfeitas como o límite máximo da dedución aplicable. 

     • O contribuínte deberá conservar, a disposición da Administración tributaria as facturas ou os documentos equivalentes  que xustifiquen o gasto.

2. Contribuíntes falecidos un día distinto do 31 de decembro

   • Contía

     Polo concepto de gastos na aprendizaxe extraescolar de idiomas estranxeiros, deducirase o 15% dos importes destinados á devandita aprendizaxe co límite de 100 euros por fillo.

   • Requisitos e condicións

     • Só darán dereito a deducir os gastos realizados nos fillos que dean dereito ao mínimo por descendentes.

     • Os fillos deberán cursar estudos de segundo ciclo de educación infantil, educación primaria, educación secundaria obrigatoria, bacharelato e os ciclos formativos de formación profesional específica.

     • No caso de contribuíntes falecidos antes do 31/03/2022 a base impoñible total non poderá superar os 12.500 euros.

       Para os contribuíntes falecidos entre o 31/03/2022 e o 30/12/2022 a base impoñible total non pode superar os 13.750 euros.

     • Ratearanse tanto as cantidades satisfeitas como o límite máximo da dedución aplicable. 

     • O contribuínte deberá conservar, a disposición da Administración tributaria as facturas ou os documentos equivalentes que xustifiquen o gasto.

Non serán deducibles as cantidades satisfeitas como gastos por cursar estudos no estranxeiro nin tampouco o gasto orixinado pola realización de campamentos do verán tanto no estranxeiro como en territorio nacional para a aprendizaxe dun idioma. No caso de gastos satisfeitos nos colexios bilingües sos será deducible aquela parte de gasto destinado a aprendizaxe de lingua estranxeira cando se trate dunha actividade extraescolar.

Formalización

Abrirase unha xanela de captura de datos en que deberá  cubrir o importe satisfeito con dereito a dedución.

A continuación reflectirá o número de fillos que orixinan o gasto e son comúns a ambos os dous cónxuxes e / ou os que son do titular da declaración tendo en conta que o mesmo fillo só debe reflectirse nunha dos recadros.

Ademais, indicará se os fillos do titular da declaración conviven ou non con ambos os dous pais. Se conviven, cada un dos pais deberá declarar a metade do importe do gasto satisfeito.