10.7.6. Por cantidades doadas para a cooperación internacional ao desenvolvemento e ás entidades para a loita contra a pobreza, a exclusión social e a axuda a persoas con discapacidade

Contía e requisitos

O 15% das doazóns monetarias, destinadas a fundacións, organizacións non gobernamentais, asociacións de axuda persoas con discapacidade e outras entidades, sempre que estas teñan a consideración de entidades sen fins lucrativos de conformidade co que se establece nos arts. 2 e 3 da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado, que dentro dos seus fins principais estean a cooperación internacional, a loita contra a pobreza e a axuda a persoas con discapacidade e a exclusión social e que se achen inscritas nos rexistros correspondentes da Comunidade Autónoma de Castela-A Mancha.

No caso das fundacións, será preciso que, ademais da súa inscrición no Rexistro de Fundacións de Castela-A Mancha, rendan contas ao órgano de Protectorado correspondente e que este ordenase o seu depósito no Rexistro de Fundacións.

A efectividade da achega efectuada deberá acreditarse mediante certificación do órgano competente da entidade donataria.

A base da dedución non poderá exceder do 10 %da base liquidable do contribuínte.

Formalización

Na xanela de captura de datos indicaranse as cantidades doadas.