7.1.9. Formalización Datos adicionais

1. Traballadores activos con discapacidade

   Só seleccionarán algunha das claves que se indican a continuación os traballadores en que concorran simultaneamente, durante calquera día do período impositivo, as seguintes circunstancias:

   • Ser traballador activo

   • Ter acreditado o grao de discapacidade requirido

   As claves son:

   1. Discapacidade en grao igual ou superior ao 33 %

      Sinalarán esta clave os traballadores activos con discapacidade que poidan acreditar un grao de discapacidade igual ou superior ao 33 %e inferior ao 65 %e non se encontren na situación 2 seguinte.

   2. Discapacidade en grao igual ou superior ao 33 %que necesiten axuda de terceiras persoas ou Discapacidade en grao igual ou superior ao 65 %

      Sinalarán esta clave os traballadores activos con discapacidade cun grao de discapacidade igual ou superior ao 33 %e inferior ao 65 %, que poidan acreditar a necesidade de axuda de terceiras persoas para desprazarse ao seu lugar de traballo ou para desempeñar o mesmo, ou mobilidade reducida para utilizar medios de transporte colectivo.

      Sinalarán tamén esta clave os traballadores activos con discapacidade que poidan acreditar un grao de discapacidade igual ou superior ao 65 %, ou cuxa incapacidade se haxa declarada xudicialmente, aínda que non acade o devandito grao.

   Para poder calcular correctamente o importe do gasto deducible deberá:

   • Se todos os rendementos de traballo obtivoos como traballador en activo e en situación de discapacidade marcará o recadro habilitado con tal fin.

   • Cando non se dean as circunstancias do punto anterior, consignará o importe do rendemento neto previo que obtivese como traballador en activo con discapacidade.

2. Mobilidade xeográfica

   Os contribuíntes desempregados inscritos na oficina de emprego que acepten un posto de traballo que esixa o traslado da súa residencia habitual a un novo municipio, incrementarán ata en 2000 euros o gasto deducible con carácter xeral, no período impositivo que se produza o cambio e no seguinte.

   Polo tanto, marcará o recadro correspondente se a aceptación do posto de traballo foi en 2022 ou en 2021 e seguiu no exercicio 2022 desempeñando o mesmo emprego.

   Para poder calcular correctamente o importe do gasto deducible, ten que consignar:

   • o importe do rendemento neto previo que corresponda ao posto de traballo aceptado.

   • e, adicionalmente se parte do rendemento neto previo obtivoo dandose simultaneamente as dúas circunstancias (mobilidade xeográfica e traballador activo con discapacidade) indicará o devandito importe.