8.7.1. Cota líquida

Cota líquida estatal

A cota líquida estatal do imposto será o resultado de diminuír a cota íntegra estatal na suma do tramo estatal da dedución por investimento en vivenda habitual (réxime transitorio), a parte estatal da dedución por investimento en empresas de nova ou recente creación, por incentivos e estímulos ao investimento empresarial, por donativos e outras achegas, por rendas obtidas en Ceuta e Melilla, para residentes na illa da Palma, por investimentos e gastos de interese cultural, por alugamento (réxime transitorio), a dedución aplicable ás unidades familiares formadas por residentes fiscais en Estados Membros da UE ou do EEE e a dedución por obras de mellora da eficiencia enerxética. 

O resultado non poderá ser negativo.

Cota líquida autonómica

A cota líquida autonómica ou complementaria será o resultado de diminuír a cota autonómica na suma do tramo autonómico da dedución por investimento en vivenda habitual (réxime transitorio), a parte autonómica da dedución por incentivos e estímulos ao investimento empresarial, por donativos e outras achegas, por rendas obtidas en Ceuta e Melilla, para residentes na illa da Palma, por investimentos e gastos de interese cultural, por alugamento (réxime transitorio), por unidades familiares formadas por residentes fiscais en Estados Membros da UE ou do EEE e o importe das deducións establecidas pola Comunidade Autónoma en que resida o contribuínte no exercicio das súas competencias.

O resultado das operacións anteriores non poderá ser negativo.