10.1.3. Por cantidades investidas no alugamento de vivenda habitual

Contía e requisitos

1. Os contribuíntes que á data de devindicación do imposto sexan menores de 35 anos ou maiores de 65 anos ou que teñan a consideración de vítima de violencia doméstica, vítima do terrorismo ou de persoas afectadas terán dereito a unha dedución do 15% cun límite máximo de 600 euros anuais polas cantidades satisfeitas no período impositivo destinado ao alugamento de que constitúa a súa vivenda habitual, sempre que concorran os seguintes requisitos:

   1. Que a suma das bases impoñibles xerais e do aforro non supere os 25.000 euros en tributación individual ou os 30.000 euros en tributación conxunta.

   2. Que o contribuínte identifique o arrendador ou arrendadora da vivenda facendo constar o seu número de identificación fiscal (NIF) na correspondente autoliquidación.

2. Cando á data da devindicación do imposto o contribuínte teña a consideración de persoa con discapacidade, sempre que concorran os requisitos dos parágrafos a. e b. do apartado anterior, a dedución será do 15%, co límite de 900 euros anuais polas cantidades satisfeitas no período impositivo destinado ao alugamento de que constitúa a súa vivenda habitual.

3. En caso de tributación conxunta, o requisito que orixine o dereito a aplicar esta dedución deberá cumpriro, polo menos, un do cónxuxes ou, se é o caso, o pai ou a nai no suposto de familias monoparentais.

   Nos casos de separación legal ou cando non existise vínculo matrimonial, terá a consideración de familia monoparental a formada pola nai ou o pai e os fillos que convivan cunha ou outro e que reúnen algún dos seguintes requisitos:

   1. Fillos menores de idade, con excepción de que, co consentimento dos pais, vivan independentes destes .

   2. Fillos maiores de idade con discapacidade a quen, por resolución xudicial, asista un curador.

      Tamén formarán parte da familia monoparental os fillos maiores de idade que a 1 de xaneiro de 2022 fosen declarados xudicialmente incapacitados, suxeitos a patria potestade prorrogada ou rehabilitada.

4. Cando haxa máis dun contribuínte con dereito á aplicación da dedución, a mesma aplicarase sobre a base das cantidades que cada declarante satisfixese, co límite máximo de dedución de 600 euros ou 900 euros para o caso en que algún contribuínte teña a consideración de persoa con discapacidade.

   En caso de tributación conxunta, a deducció aplicarase sobre as cantidades satisfeitas por ambos os dous contribuíntes sempre que polo menos un deles cumpra os requisitos.

5. No mesmo período impositivo, o mesmo contribuínte poderá deducirse por alugamento e por investimento sempre que ambas as dúas vivendas cumpran os requisitos establecidos na lei de IRPF para ter a consideración de vivenda habitual.

Aos efectos desta Lei, terán a consideración de:

• Vítima de violencia doméstica as persoas a que se refire o artigo 173.2 da Lei Orgánica 10/1995, do 23 de novembro, do Código Penal, que conten con orde de protección en vigor e inscrita no Rexistro Central para a Protección das Vítimas da Violencia Doméstica, ou con sentenza xudicial firme por tal motivo nos últimos dez anos.

• Vítima do terrorismo e persoas afectadas a fixada no artigo 3.a) da Lei 10/2010, do 15 de novembro, relativa a medidas para a asistencia e atención ás vítimas do terrorismo da Comunidade Autónoma de Andalucía, ou norma que a substitúa. 

  A acreditación da situación de violencia de terrorismo realizarase conforme o previsto no artigo 4.a) da citada Lei 10/2010, do 15 de novembro, ou norma que a substitúa.

• Persoa con discapacidade: a consideración de persoa con discapacidade é a fixada na lei do IRPF.

Formalización

A través dunha xanela de captura de datos deberá facilitar a seguinte información:

• Importe satisfeito polo alugamento

• NIF do arrendador. Se o arrendador non reside en España e non ten NIF deberá consignar o Número de Identificación no país de residencia.

• Se ten a consideración de vítima de violencia doméstica, vítima do terrorismo ou de persoa afectada marcará o recadro habilitado con este fin.

A información será trasladada polo programa ao anexo B.8 da declaración.