10.1.9. Por axuda doméstica

Contía

A persoa titular do fogar familiar, sempre que constitúa a súa vivenda habitual, e que conste na Tesourería Xeral da Seguridade Social pola afiliación en Andalucía ao Sistema Especial do Réxime Xeral da Seguridade Social de Empregados do Fogar, poderá deducirse o 20% do importe satisfeito á Seguridade Social correspondente á cotización anual dun empregado ou empregada na parte que corresponda á cota fixa por conta do empregador, cun límite máximo de 500 euros anuais.

Entenderase por titular do fogar familiar o previsto na normativa reguladora do Réxime Especial da Seguridade Social de Empregados do Fogar e por vivenda habitual a que cumpra os requisitos previstos na normativa do IRPF.

Requisitos

Deberán concorrer calquera dos seguintes requisitos na data da devindicación do Imposto:

1. Que a persoa titular do fogar familiar, ou, se é o caso, o seu cónxuxe ou parella inscrita no Rexistro de Parellas de Feito da Comunidade Autónoma de Andalucía ou en rexistros análogos doutras Administracións públicas, sexa nai ou pai de fillos que dean dereito ao mínimo por descendentes e perciba rendementos do traballo ou de actividades económicas.

   No suposto de cónxuxes ou membros integrantes da parella inscrita no Rexistro de Parellas de Feito da Comunidade Autónoma de Andalucía ou en rexistros análogos doutras Administracións Públicas, ambos os dous deberán percibir rendementos do traballo ou de actividades económicas

2. Que a persoa titular do fogar familiar, ou, se é o caso, o seu cónxuxe ou parella inscrita no Rexistro de Parellas de Feito da Comunidade Autónoma de Andalucía ou en rexistros análogos doutras Administracións públicas, sexa de idade igual ou superior a 75 anos.

3. No suposto de cónxuxes ou membros integrantes da parella inscrita no Rexistro de Parellas de Feito da Comunidade Autónoma de Andalucía ou en rexistros análogos doutras Administracións públicas, poderase aplicar a dedución indistintamente o titular do fogar familiar ou o seu cónxuxe ou parella de feito.

Incompatibilidade

Esta dedución será incompatible coa dedución "Por asistencia a persoas con discapacidade" que necesitan axuda de terceiras persoas cando se trate da mesma persoa empregada a que dá dereito á aplicación de ambas as dúas deducións.

Formalización

Deberá indicar:

• As cantidades satisfeitas  á Seguridade Social correspondente á cotización anual dun empregado ou empregada na parte que corresponda á cota fixa por conta do empregador.

• O Código de Conta de Cotización do empregador.