10.11.21. Polas axudas recibidas polas persoas afectadas pola talidomida en España durante o período 1950-1985

A Lei 5/2025, do 23 de decembro, de medidas fiscais e administrativas (DOG do 31 de decembro de 2025) incorpora - con efectos retroactivos desde o 1 de xaneiro de 2023 - unha dedución polas axudas recibidas polas persoas afectadas pola talidomida en España durante o período 1950-1985.

Contía

O contribuínte que integre na base impoñible xeral o importe correspondente á axuda pública destinada ás persoas afectadas pola talidomida en España durante o período 1950-1985 poderá aplicar unha dedución cuxo importe será o que resulte de aplicar os tipos medios de gravame ao importe da axuda pública na base liquidable.

Formalización

Para incorporar esta dedución na declaración que presentou polo IRPF 2023 terá que presentar unha solicitude de rectificación da autoliquidación correspondente a ese exercicio.

A rectificación poderaa presentar por Renda Web desde a seguinte ligazón: Presentación por Renda Web de rectificacións de autoliquidacións de Renda 2023

Para facilitar a presentación, na devandita ligazón, poderá consultar os pasos que hai que seguir tendo en conta que neste caso, o primeiro paso: modificar datos farase na declaración individual do contribuínte que ten dereito á dedución.

Para iso terá que acceder a "Apartados de declaración" , seleccionar " Deducións autonómicas" e no recadro: "Polas axudas recibidas polas persoas afectadas pola talidomida en España durante o período 1950-1985" consignar o importe da axuda pública integrada na base impoñible xeral. O importe da dedución reflectirase no recadro 1038 "Outras deducións".