10.12.15. Polo pagamento de intereses de préstamos para adquisición de vivenda por mozos menores de 30 anos

Contía

O 25% dos intereses satisfeitos durante o período impositivo por préstamos hipotecarios obtidos para a adquisición da súa vivenda habitual.

O límite máximo de dedución é de 1.031 euros anuais tanto en tributación individual como en conxunta.

O contribuínte ten que ser menor de 30 anos. Se só un dos propietarios cumpre a devandita circunstancia de idade ao longo do período impositivo será este o único que poida aplicar a dedución polas cantidades que satisfixese correspondentes á súa cota de titularidade na vivenda.
A dedución aplicarase polos intereses satisfeitos ata o mes anterior a aquel en que cumpra 30 anos.
Considerarase vivenda habitual a que se axusta á definición e requisitos establecidos na Lei do IRPF.

Consignará o importe satisfeito con dereito a dedución.