10.2.19. Por residencia en determinados municipios

Contía

O importe da dedución será de 600 euros.

No suposto de tributación conxunta, a contía da dedución será aplicable por cada un dos contribuíntes que cumpra os requisitos establecidos.

Requisitos

• Os contribuíntes deberán ter  a súa residencia habitual neste exercicio e nos catro seguintes, nalgún dos asentamentos rurais con risco extremo de despoboamento, que inclúen aos asentamentos que pertencen ao Rango X da estrutura do sistema de asentamentos de Aragón.

• A suma da base liquidable xeral e da base liquidable do aforro ten que se inferior a 35.000 euros en declaracións individuais, e inferior a 50.000 euros en declaracións conxuntas e ademais, a base impoñible do aforro, sexa cal for a modalidade de declaración, non pode superar os 4.000 euros.

Formalización 

Se tivo a residencia en asentamentos rurais con risco extremo de despoboamento marcará o recadro habilitado con este fin. 

Para os efectos de que o programa calcule a dedución que corresponde en tributación conxunta deberá indicar o número de fillos integrantes da unidade familiar que non perciben rendas e que dan dereito á dedución.