Saltar ao contido principal
Modelo 100. Declaración do Imposto sobre a Renda das Persoas Físicas 2023

10.2.4. Polo coidado de persoas dependentes

Contía 

Polo coidado de persoas dependentes: 150 euros. O importe da dedución será de 300 euros  cando resulte aplicable o réxime de fiscalidade diferenciada.

O acollemento a este réxime especial da fiscalidade diferenciada explícase no apartado 10.2.1.1.

Requisitos e condicións

  • A persoa dependente debe convivir co contribuínte, polo menos durante a metade do período impositivo.

  • Considerarase persoa dependente ao ascendente maior de 75 anos e ao ascendente ou descendente cun grao de discapacidade igual ou superior ao 65 %calquera que sexa a súa idade.

  • Non procederá a dedución se a persoa dependente ten rendas anuais, excluídas as exentas, superiores a 8.000 euros.

  • A suma da base impoñible xeral e a base impoñible do aforro, menos o mínimo do contribuínte e o mínimo por descendentes, non poderá exceder de 35.000 en declaración conxunta e 21.000 euros en declaración individual. Este requisito é controlado polo programa, non sendo que, tratandose de unidades familiares, optasen pola captura individual de datos.

  • Cando dous ou máis contribuíntes teñan dereito á aplicación desta dedución, o seu importe ratearase por partes iguais. Cando a dedución corresponda a contribuíntes con distinto grao de parentesco, a súa aplicación corresponderá aos de grao máis próximo, non sendo que estes non teñan rendas anuais, excluídas as exentas, superiores a 8.000 euros, en cuxo caso corresponderá aos do seguinte grao.

Formalización

Se tivo a residencia en asentamentos rurais con alto risco de despoboamento ou con risco extremo marcará o recadro habilitado con este fin

Deberá reflectir no recadro  "Comúns" ou no recadro "Do titular ", conforme. ao que se indica a continuación, o número de persoas dependentes tendo en conta que o mesmo descendente ou ascendente só pode consignarse nunha dos dous recadros.

En caso de matrimonio se ambos os dous cónxuxes teñen dereito á dedución, deberá indicar no recadro "Comúns" o número de persoas dependentes con dereito á dedución.

Noutro caso ou cando existindo matrimonio optase por unha captura de datos individual reflectirase no recadro "Do titular ". Neste suposto deberá cubrir, adicionalmente, o número de persoas que teñen dereito a aplicar a dedución con respecto a esas persoas.