Saltar ao contido principal
Modelo 100. Declaración do Imposto sobre a Renda das Persoas Físicas 2023

10.3.2. Por adquisición ou adecuación da vivenda habitual para contribuíntes con discapacidade

Contía

Os contribuíntes que acrediten un grao de discapacidade igual ou superior ao 65 %poderán deducir o 3% das cantidades investidas no exercicio na adquisición ou adecuación daquela vivenda que constitúa ou vaia a constituír a súa residencia habitual.

A dedución tamén será aplicable cando a discapacidade sexa padecida polo cónxuxe, ascendentes ou descendentes que convivan co contribuínte durante máis de 183 días ao ano e que non teñan rendas anuais, incluídas as exentas, superiores a 35 000 euros.

Requisitos e condicións

  • A vivenda debe estar situada no Principado de Asturias e a súa adquisición, ou se é o caso as obras e instalacións en que a adecuación consista deberán resultar estritamente necesarias para a accesibilidade e comunicación sensorial que facilite o desenvolvimiento digno e axeitado das persoas con discapacidade.

  • A necesidade da adquisición ou das obras e instalacións deberá acreditarse mediante resolución ou certificado expedido pola Consellaría competente en materia de valoración de discapacidade.

  • Cando dous ou máis contribuíntes teñan dereito á aplicación desta dedución respecto dos mesmos ascendentes ou descendentes para un mesmo período impositivo, a base máxima da dedución ratearase entre eles por partes iguais. Non obstante, cando os contribuíntes teñan distinto grao de parentesco co ascendente ou descendente, a aplicación da redución corresponderá aos de grao máis próximo.

  • Esta dedución é independente da dedución estatal por investimento en vivenda habitual.

Base da dedución

A base máxima da dedución será de 15.000 euros, tanto en tributación individual como na conxunta e estará consttituida polas cantidades satisfeitas durante o exercicio na adquisición ou rehabilitación da vivenda, incluíndose os importes destinados á amortización de préstamos hipotecarios.

Formalización

Consignará as cantidades satisfeitas polo contribuínte que dan dereito á dedución.

Se o cónxuxe, os ascendentes ou os descendentes cumpren os requisitos para xerar o dereito á dedución marcará o recadro habilitado con este fin.

Cando os ascendentes ou descendentes xeran o dereito á dedución a máis dunha persoa indicará o número de persoas con dereito á mesma.