Saltar ao contido principal
Modelo 100. Declaración do Imposto sobre a Renda das Persoas Físicas 2023

10.5.10. Por familia numerosa

Contía 

O contribuínte que posúa, á data da devindicación do imposto, o título de familia numerosa, poderá deducir as seguintes cantidades:

  • 540  euros, cando se trate de familia numerosa de categoría xeral.

  • 720  euros, cando se trate de familia numerosa de categoría especial.

Cando algún do cónxuxes ou descendentes aos que sexa de aplicación o mínimo persoal e familiar do imposto teña un grao de minusvalía física, psíquica ou sensorial igual ou superior ao 65 %a dedución será a seguinte:

  • 1.200  euros, cando se trate de familia numerosa de categoría xeral.

  • 1.320  euros, cando se trate de familia numerosa de categoría especial.

Requisitos e condicións

  1. Esta dedución practicarase polo contribuínte con quen convivan os restantes membros da familia numerosa. Cando estes convivan con máis dun contribuínte, o importe da dedución ratearase por partes iguais na declaración de cada un.

  2. As condicións necesarias para a consideración de familia numerosa e a súa clasificación por categorías determinaranse de acordo co que se establece na Lei 40 / 2003, de Protección ás Familias Numerosas.

  3. O título de familia numerosa deberá ser expedido polo órgano competente en materia de servizos sociais do Goberno das Canarias ou polos órganos correspondentes do Estado ou doutras Comunidades Autónomas.

Compatibilidade

Esta dedución é compatible coas deducións relativas ao nacemento ou adopción dun fillo.

Formalización

Indicarase a través dunha xanela de captura de datos a seguinte información:

  • En caso de matrimonio, cando a dedución corresponda a ambos os dous cónxuxes, marcará na columna "Común" a categoría de familia numerosa á que pertenza.

  • Noutro caso ou cando existindo matrimonio optase por unha captura de datos individual  marcará a familia numerosa á que pertence na columna "Do Titular "debendo indicar, ademais, o número de persoas que teñen dereito á dedución:"1" cando só poida aplicara o titular seleccionado; "2" cando poidan aplicara dúas persoas, etc.