10.5.17. Por gastos de estudos en educación infantil, primaria, ensino secundario obrigatorio, bacharelato e formación profesional de grao medio

Contía 

Para gastos de estudos en educación infantil, primaria, ensino secundario obrigatorio, bacharelato e formación profesional de grao medio o contribuínte poderá deducir o 100% das cantidades satisfeitas no período impositivo pola adquisición de material escolar, libros de texto, transporte e uniforme escolar, comedores escolares e reforzo educativo, ata un máximo de 120 euros polo primeiro descendente ou adoptado e 60 euros adicionais por cada un dos restantes que cumpra os requisitos.

Requisitos e condicións 

• Se asimilan a descendentes aquelas persoas vinculadas co contribuínte por razón de tutela (e curadoría representativa) ou acollemento non remunerado, nos termos previstos na lexislación vixente.

  Teña en conta que desde a entrada en vigor da Lei 8/2021, do 2 de xuño, a tutela queda reducida aos menores de idade non sometidos a patria potestade ou non emancipados en situación de desamparo, suprimindose para maiores de idade, para os que se establece a curadoría e outras medidas de apoio á súa capacidade xurídica.

• Os descendentes ou adoptados, incluídos os tutelados ou acollidos nos termos previstos na lexislación vixente teñen que dar lugar á aplicación do mínimo por descendente e encontrarse escolarizados en educación infantil, primaria, ensino secundario obrigatorio, bacharelato e formación profesional de grao medio regulado na Lei do IRPF.

• A suma da base impoñible xeral e a base impoñible do aforro da declaración correspondente ao exercicio en que se orixina o dereito á dedución, non pode ser superior a:

  • 42.900 euros en tributación individual.

  • 57.200 euros en tributación conxunta.

• O gasto débese xustificar a través de factura que debe cumprir todas as condicións establecidas no Regulamento polo que se regulan as obrigas de facturación.

  A factura recibida polo contribuínte deberá conservarse durante o prazo de prescrición, admitindose copia da mesma no suposto de que dous ou máis contribuínte teñan dereito á dedución e non opten, ou non poidan optar, pola tributación conxunta.

• Cando varios contribuíntes teñan distinto grao de parentesco con quen curse os estudos que orixinan o dereito á dedución, soamente poderán practicar a dedución os de grao máis próximo.

  Cando dous ou máis contribuíntes teñan dereito a esta dedución, a dedución ratearase entre eles por partes iguais.

Formalización

O apartado A) só se cubrirá cando os descendentes sexan comúns a ambos os dous cónxuxes e as cantidades satisfixésense, por ambos os dous, por partes iguais. O importe consigando na declaración dun do cónxuxes será trasladado, polo programa, á declaración do outro.

No resto dos casos, incluíndo aqueles en que sendo os fillos comúns a ambos os dous cónxuxes as cantidades satisfeitas por cada un deles non sexan iguais ou, cando habendo matrimonio optásese por unha captura de datos individual, a formalización realizarase no apartado B).

O programa calculará a dedución máis favorable.