10.5.7. Por nacemento ou adopción de fillos

Contía

1. Por cada fillo nado ou adoptado no período impositivo, que conviva co contribuínte, poderán deducirse as seguintes cantidades:

   • 240 euros, cando se trate do primeiro ou segundo fillo.

   • 480 euros, cando se trate do terceiro.

   • 720 euros, cando se trate do cuarto.

   • 840 euros, cando se trate do quinto ou sucesivos.

2. Fillos con discapacidade en grao igual ou superior ao 65 %

   No caso de que o fillo nado ou adoptado teña unha minusvalía física, psíquica ou sensorial igual ou superior ao 65 %, e convivise co contribuínte ininterrompidamente desde o seu nacemento ou adopción ata o final do período impositivo, adicionalmente poderá aplicarse a seguinte dedución:

   • 480 euros, cando se trate do primeiro ou segundo fillo que padeza a devandita discapacidade.

   • 960 euros, cando se trate do terceiro ou posterior fillo que padeza a devandita discapacidade, sempre que sobrevivan os anteriores fillos con discapacidade.

Requisitos e condicións

• Cando ambos os dous proxenitores ou adoptantes teñan dereito á dedución e non opten pola tributación conxunta, o seu importe ratearase entre eles por partes iguais.

• Só terán dereito a aplicar esta dedución os contribuíntes que non obtivesen rendas no exercicio en que se orixina o dereito á dedución por un importe superior a 42.900 euros na súa base impoñible xeral sumada á base impoñible do aforro e no suposto de tributación conxunta, cando a unidade familiar non obtivese rendas por un importe superior a 57.200 euros.

• A determinación do número de orde do fillo nado ou adoptado realizarase atendendo aos fillos que convivan co contribuínte á data de devindicación do imposto computandose tanto os fillos naturais como os adoptivos.

• Considerarase que conviven co contribuínte, entre outros, os fillos nados ou adoptados que, dependendo do mesmo, estean internados en centros especializados

Formalización

Os datos reflectiranse na fila que corresponda segundo o número de orde que represente o fillo nado ou adoptado tendo en conta que o mesmo fillo só debe reflectirse no recadro "Comúns" ou no recadro "Do titular ".

Se durante o ano se producise o nacemento ou adopción de varios fillos, cada un deles reflectirase na fila correspondente ao seu número de orde. Por exemplo, se se produciu o nacemento de dous fillos que son o segundo e o terceiro na fila correspondente a "primeiro ou segundo" reflectirase 1 e na de "terceiro" farase constar tamén 1.

Os datos anteriores reflectiranse no recadro "Comúns" cando en caso de matrimonio os fillos que xeren dereito á dedución sexan de ambos os dous cónxuxes e o número de orde sexa o mesmo para ambos os dous.

Noutro caso ou cando existindo matrimonio optase por unha captura de datos individual os datos reflectiranse no recadro "Do Titular "indicando, adicionalmente, o número de persoas con dereito a aplicar a dedución.

No caso de fillos nados ou adoptados no exercicio cun grao de discapacidade igual ou superior ao 65 %relacionaranse, adicionalmente, no apartado específico da xanela.

Os fillos reflectiranse na fila correspondente ao número de orde que represente o fillo nado ou adoptado entre os que teñen o grao de discapacidade esixido e cos mesmos criterios no referente aos recadros "Comúns" e "Do titular "que os mencionados anteriormente.