10.7.16. Por traslado de vivenda habitual

Contía

500 euros no período impositivo en que se produza o cambio de residencia e no seguinte, polos gastos ocasionados ao trasladar a residencia habitual por motivos laborais a un municipio de Castela-A Mancha dos incluídos nas zonas escasamente poboadas (extremo despoboamento e intenso despoboamento).

Requisitos e condicións

• A base liquidable do período impositivo en que se comezase a aplicar a dedución deberá ser inferior a 22.946 euros en tributación individual ou a 31.485 euros en tributación conxunta.

  O ano seguinte ao cambio de residencia o contribuínte poderá aplicar a dedución con independencia da contía da súa base liquidable nese exercicio.

• O importe da dedución non poderá exceder da parte autonómica da cota íntegra procedente dos rendementos do traballo e das actividades económicas do exercicio en que resulte aplicable a dedución.

• A dedución é aplicable tanto aos traballadores por conta allea como aos empresarios ou profesionais autónomos desde que o cambio de residencia obedeza a motivos laborais.

• Para ter dereito á dedución cómpre que o contribuínte traslade a súa residencia habitual e, ademais, desenvolva a súa actividade laboral nunha das zonas escasamente poboadas.

• Os contribuíntes que trasladaron a súa residencia en 2022 a zonas escasamente poboadas de Castela-A Mancha por motivos laborais e cumpran os límites de base liquidables poden aplicar a dedución no exercicio 2023.

• En tributación conxunta, a dedución de 500 euros aplicarase por cada un dos contribuíntes que traslade a súa residencia co límite da parte autonómica da cota íntegra procedente de rendementos do traballo e de actividades económicas que corresponda aos contribuíntes que xeren dereito á dedución.

  No caso de que ambos os dous cónxuxes xeren dereito á dedución, en tributación conxunta, o límite máximo da dedución é único para a declaración no seu conxunto polo que a súa determinación se fará tomando en consideración o conxunto dos rendementos do traballo e de actividades económicas obtidos por ambos os dous cónxuxes e aplicarase ao importe total da dedución (1.000 euros).

• Para consolidar o dereito á dedución, é preciso que o contribuínte permaneza na nova residencia habitual durante o ano en que se produce o traslado e os tres seguintes.

  No caso de falecemento do contribuínte non se perderá o dereito á dedución aínda que non se cumpra este requisito.

O incumprimento de calquera dos requisitos anteriores dará lugar á devolución das cantidades deducidas da cota íntegra autonómica do exercicio en que se produza o incumprimento, cos correspondentes xuros de mora.

Formalización

Se conforme ao exposto cumpre os requisitos para aplicar a dedución marcará o recadro correspondente ao exercicio en que se producise o traslado.

Pode consultar as zonas que posibilitan a aplicación da dedución en: