10.7.23. Polos gastos en intereses polo financiamento alleo da adquisición de primeira vivenda habitual por menores de 40 anos

Os contribuíntes menores de 40 anos á data de devindicación poderán deducirse as cantidades satisfeitas durante o período impositivo en concepto de intereses polo financiamento alleo concertado para a adquisición da primeira vivenda habitual, sempre que o préstamo ou crédito sexa a interese variable, cos seguintes límites:

• 150 euros, para os contribuíntes cuxa suma da base impoñible xeral e da base impoñible do aforro do período impositivo non sexa superior a 12.500 euros en tributación individual ou a 25.000 euros en tributación conxunta.

• 100 euros, para os contribuíntes cuxa suma da base impoñible xeral e da base impoñible do aforro do período impositivo non sexa superior a 27.000 euros en tributación individual ou a 36.000 euros en tributación conxunta.

A dedución aplicarase se á data da devindicación o contribuínte é menor de 40 anos, sen que exista a posibilidade de aplicar a dedución no exercicio en que o contribuínte cumpra 40 anos polas cantidades abonadas con anterioridade a ese momento.

En caso de tributación conxunta a dedución aplicarase por contribuínte.

Formalización

Consignará o importe satisfeito con dereito a dedución.