10.9.3. Por donativos a entidades que fomenten a investigación científica e o desenvolvemento e a innovación tecnolóxica

Contía

Os contribuíntes residentes na Comunidade Autónoma de Cataluña poderán practicar unha dedución do 30% co  límite máximo do 10 %da cota íntegra autonómica polas cantidades doadas a favor das universidades catalás, dos institutos universitarios e outros centros de investigación integrada ou adscritos a universidades catalás, e dos centros de investigación promovidos ou participados pola Xeneralidade, que teñan por obxecto o fomento da investigación científica e o desenvolvemento e a innovación tecnolóxica.

Requisitos

A dedución está condicionada a unha xustificación documental axeitado.

Con esta finalidade, as entidades beneficiarias dos devanditos donativos deben enviar á Axencia Tributaria de Cataluña, dentro dos primeiros vinte días de cada ano, unha relación das persoas físicas que efectuaron donativos durante o ano anterior, con indicación das cantidades doadas por cada unha delas .

Formalización

Na xanela reflectirase o importe dos donativos con dereito a dedución. No apartado A) consignará os donativos polos que aplicou a dedución estatal por donativos a favor de entidades sen ánimo de lucro indicando o importe das doazóns, o importe da dedución estatal aplicada na declaración individual e o que lle corresponde na declaración conxunta.

No apartado B) reflectirá o importe das doazóns que non se teñen que icluir no apartado A).

En caso de matrimonio e cando a doazón se realice polo cónxuxes por partes iguais, reflectirase o 50% das cantidades doadas por ambos os dous.