7.3.5.1. Vivenda habitual

Teñen a consideración de vivenda habitual, para estes fins, as prazas de garaxe, cun máximo de dous, os rochos e anexos adquiridos conxuntamente coa mesma.

Con carácter previo ao inicio da declaración o contribuínte tivo que ratificar ou, se é o caso, modificar o domicilio habitual que ten no momento da presentación da declaración.

Non obstante, se o contribuínte foi durante todo ou parte deste exercicio propietario ou usufrutuario do inmoble que constitúe a súa vivenda habitual deberá seleccionar este uso e cubrir a información adicional que se solicite.

En consecuencia, se o contribuínte non é nin propietario nin usufrutuario do inmoble que constitúe a súa vivenda habitual (vive de alugamento, fillos que viven cos seus pais...) non deberá cubrir este apartado da declaración.

Deberá indicar o número de días que a vivenda tivo a consideración de habitual. Se tivese durante o ano outros usos deberá marcaros e cubrir os datos adicionais que se soliciten.