7.5.1.1. Entidades en réxime de atribución de rendas

As rendas correspondentes ás sociedades civís que non estean suxeitas ao Imposto sobre Sociedades, herdanzas xacentes, comunidades de bens e demais entidades a que se refire o artigo 35.4 da Lei 58/2003, do 17 de decembro, Xeral Tributaria, atribuiranse aos socios, herdeiros, comuneiros ou partícipes, respectivamente, de acordo coas normas do Imposto sobre a Renda das Persoas Físicas.

O réxime de atribución de rendas será aplicable ás entidades constituídas no estranxeiro cuxa natureza xurídica sexa idéntica ou análoga á das entidades en atribución de rendas constituídas de acordo coas leis españolas.

As rendas das entidades en réxime de atribución de rendas atribuídas aos socios, herdeiros, comuneiros ou partícipes terán a natureza derivada da actividade ou fonte de onde procedan.

O réxime de atribución de rendas non será aplicable, entre outra, ás sociedades agrarias de transformación, aos fondos de investimento de Institucións de Investimento Colectivo, Unións Temporais de Empresa, os Fondos de Pensións, as comunidades titulares de montes veciñais e, a partir do 1 de xaneiro de 2016 ás sociedades civís con personalidade xurídica e obxecto mercantil suxeitas ao LIS. A partir do 1 de xaneiro de 2022 coa finalidade de evitar unha asimetría hibrida investida certas entidades en réxime de atribución de rendas españolas convértense por determinadas rendas en contribuíntes do IS en territorio español.