Elementos non afectos: Valor de transmisión e adquisición

1. Valor de transmisión

   • Importe de transmisión

     Como regra xeral, consignarase o importe real polo que o alleamento se efectuase. Por importe real do valor de alleamento tomarase o efectivamente satisfeito, sempre que non resulte inferior ao normal de mercado, en cuxo caso prevalecerá este.

     Cando a transmisión for a título lucrativo (herdanza ou doazón), tomarase por importe real o que resulte da aplicación das normas do Imposto sobre Sucesións e Doazóns,  sen que poidan exceder do valor de mercado.

   • Gastos e tributos: Consignaranse os gastos e tributos inherentes á transmisión en canto resulten satisfeitos polo transmitente.

2. Valor de adquisición

   • Importe da adquisición

     Como regra xeral, consignarase o importe real polo que a devandita adquisición se efectuase .

     Cando a adquisición fose a título lucrativo (herdanza ou doazón) tomarase por importe real o que resulte da aplicación das normas do Imposto sobre Sucesións e Doazóns,  sen que poidan exceder do valor de mercado.

     Formarán parte do valor de adquisición o custo dos investimentos ou melloras efectuadas no elemento transmitido.

   • Gastos e tributos

     Incluiranse nestes recadros os gastos e tributos inherentes á adquisición, excluídos os intereses, que fosen satisfeitos polo adquirente.

   • Amortizacións

     Cando se trate da transmisión de elementos patrimoniais cuxa amortización fose fiscalmente deducible (inmobles arrendados) faranse constar as amortizacións fiscalmente deducibles no ano en que se deduciron computandose, en todo caso, a amortización mínima.