Tipo de elemento patrimonial

A través dunha xanela de captura de datos seleccionará unha das seguintes claves:

• Clave 1. Valores de entidades do artigo 314 do Real decreto Lexislativo 4/2015. Marcarase este apartado se a ganancia ou perda provén da transmisión de valores das entidades comprendidas no artigo 314 do Real decreto Lexislativo 4/2015, polo que se aproba a Lei do Mercado de Valores (entidades con patrimonio predominantemente inmobiliario), con excepción das accións ou participacións representativas do capital social ou patrimonio das Sociedades ou Fondos de Investimento Inmobiliario. Se os citados valores están admitidos a negociación nos mercados regulados de valores definidos na Directiva 2014/65/UE, deberá marcar unha X no recadro establecido para ese fin.

• Clave 2. Marcarase este apartado cando se trate de accións non admitidas a negociación nalgún dos mercados secundarios oficiais de valores españois ou en calquera outro dos definidos na Directiva 2014/65/UE.

• Clave 3. Accións admitidas a negociación nos mercados secundarios oficiais de valores citados no punto anterior cando a transmisión das mesmas non se efectuase nos devanditos mercados ou teña a consideración de operacións a prazos ou con prezo adiado.

• Clave 4. Outros elementos patrimoniais non afectos a actividades económicas. Marcarase este apartado cando a ganancia ou perda proveña de calquera outros bens ou dereitos non incluídos nos apartados anteriores.

• Clave 5. Outros elementos patrimoniais afectos a actividades económicas (por exemplo licenza de taxi)