8.2.2.3.Plans de previsión asegurada

Reducirán a base impoñible as primas satisfeitas aos Plans de Previsión Asegurada  cando cumpran os seguintes requisitos:

1. O contribuínte deberá ser o tomador, asegurado e beneficiario. Non obstante, no caso de falecemento, poderá xerar dereito ás prestacións nos termos previstos no RD Lexislativo 1/2002, polo que se aproba o Texto Refundido da Lei de Regulación dos Plans e Fondos de Pensións.

2. As continxencias cubertas deberán ser, unicamente, as previstas no art. 8.6 do R .D Lexislativo 1/2002 ((xubilación, incapacidade laboral total e permanente para a profesión habitual ou absoluta e permanente para todo traballo, e a gran invalidez, morte do partícipe ou beneficiario e dependencia severa ou gran dependencia do partícipe) e, deberán ter como cobertura principal a da xubilación. .

3. Só se permitirá a disposición anticipada, total ou parcial, nos supostos previstos na normativa dos plans de pensións.

4. Estes contratos de seguro terán obrigatoriamente que ofrecer unha garantía de interese e utilizar técnicas actuariais.

5. Deberá constar expresamente e de forma destacada no condicionado da póliza que se trata dun Plan de Previsión Asegurado. A denominación Plan de Previsión Asegurada e as súas siglas quedan reservadas aos contratos de seguro que cumpran estes requisitos.

6. Os tomadores poderán, mediante decisión unilateral, mobilizar a súa provisión matemática a outro plan de previsión asegurada de que sexan tomadores, ou a un ou varios plans de pensións do sistema individual ou asociado de que sexan partícipes. Unha vez acadada a continxencia, a mobilización só será posible se as condicións do plan permíteno.