8.2.2.7.Formalización
-
Excesos pendentes de reducir
Os contribuíntes que non puidesen reducir a totalidade das achegas, directas ou imputadas, realizadas nos exercicios 2018 a 2022 por superar o límite máximo de redución fiscal establecido en cada un deles , e que solicitasen poder reducir o exceso dentro dos cinco exercicios seguintes, cubrirán, en caso de non constar, no recadro correspondente da xanela de captura de datos o importe dos devanditos excesos.
As reducións por achegas e contribucións aos sistemas de previsión social teñen un límite máximo conxunto que aplicará o programa.
A imputación do exceso realizarase respectando os límites establecidos na Lei do Imposto.
-
Achegas e contribucións do exercicio 2023
A través dunha xanela de captura de datos consignará se non constasen:
-
As achegas realizadas directamente polo declarante distinto ás que se teñan que consignar nos recadros correspondentes ás achegas efectuadas pola empresa que derivan dunha decisión do traballador e ás achegas do traballador ao plan de pensións de emprego, mutualidade de previsión social ou plan de previsión social empresarial.
-
As achegas efectuadas pola empresa que deriven dunha decisión do traballador.
Este dato debe coincidir co reflectido no recadro 24 do apartado de rendementos do traballo. Se o tivese que rectificar tamén deberá modificar o do citado recadro.
-
Consignará as achegas que o traballador realiza ao plan de pensións de emprego, mutualidade de previsión social ou plan de previsión social empresarial, sempre que se efectuasen contribucións empresariais.
-
Contribucións empresariais a sistemas de previsión social, agás as realizadas a seguros colectivos de dependencia e as achegas de empresarios individuais a sistemas de previsión social.
Este dato debe coincidir co reflectido no recadro 8 do apartado de rendementos do traballo. No caso de que o tivese que rectificar tamén deberá modificar o do citado recadro.
-
As achegas de empresarios individuais a plans de pensións de emprego ou a mutualidades de previsión social, de que sexa promotor e ademais partícipe ou mutualista, ou a plans de previsión social empresarial ou seguros colectivos de dependencia de que sexa tomador e asegurado.
-
As contribucións a seguros colectivos de dependencia imputada reflectiranse na xanela de captura de datos de rendementos de traballo e o programa trasladaraas a este apartado da declaración. Polo tanto, tivese que rectificar este dato a modificación realizarase no apartado de rendementos do traballo, no recadro 0009.
-
O NIF do plan de pensioens do sistema de emprego.
-
Picando na icona "Máis info" ábrese unha xanela en que se visualizará de maneira diferenciada os excesos non reducidos dos exercicios 2018 a 2022 correspondentes ás achegas e contribucións empresariais a sistemas de previsión social e, ás contribucións empresariais a seguros colectivos de dependencia.
Para cada exercicio mostrarase a información relativa ás cantidades pendentes de aplicar ao principio do período, as aplicadas no exercicio e os importes pendentes de aplicar en exercicios futuros.