8.7.1. Cota líquida

Cota líquida estatal

A cota líquida estatal do imposto será o resultado de diminuír a cota íntegra estatal na suma do tramo estatal da dedución por investimento en vivenda habitual (réxime transitorio), a dedución por investimento en empresas de nova ou recente creación e o 50% do importe do total das deducións xerais que correspondan a cada contribuínte, o 50% da dedución por alugamento (réxime transitorio), a dedución por obras de mellora da eficiencia enerxética.

O resultado non poderá ser negativo.

Cota líquida autonómica

A cota líquida autonómica ou complementaria será o resultado de diminuír a cota autonómica ou complementaria na suma de:

1. O tramo autonómico da dedución por investimento en vivenda habitual réxime transitorio.

2. O 50% da dedución por alugamento (réxime transitorio).

3. O 50% do importe total das deducións xerais que procedan.

4. O importe das deducións establecidas pola Comunidade Autónoma en que resida o contribuínte no exercicio das súas competencias.

O resultado das operacións anteriores non poderá ser negativo.