8.7.3.1 Formalización

1. Por dobre imposición internacional, por razón das rendas obtidas e gravadas no estranxeiro

   A través da  xanela  de captura de datos farase constar a seguinte información:

   • Rendas incluídas na base impoñible xeral

     Abrirase unha xanela de captura de datos en que deberá indicar separadamente a contía das rendas obtidas e gravadas no estranxeiro incluídas na base impoñible xeral, tendo en conta o seguinte:

     1. Indicaranse os rendementos netos do traballo (ingresos íntegros menos os gastos deducibles) obtidos no estranxeiro.

     2. Indicaranse os rendementos netos reducidos do capital e  de  actividades económicas obtidos no estranxeiro.

     3. Indicaranse  as ganancias patrimoniais obtidas no estranxeiro.

     4. Consignarase o importe efectivo do satisfeito no estranxeiro por razón de gravame de carácter persoal.

   • Rendas incluídas na base impoñible do aforro

     Abrirase unha xanela de captura de datos en que se indicará a contía das rendas obtidas e gravadas no estranxeiro incluídas na base impoñible do aforro, tendo en conta o seguinte:

     1. Se as rendas obtidas no estranxeiro teñen a consideración de rendementos do capital mobiliario, indicarase o importe do rendemento neto reducido obtido no estranxeiro. En caso de tratarse de ganancias patrimoniais, farase constar o importe da ganancia patrimonial sometida a tributación.

     2. Consignarase o importe efectivo do satisfeito no estranxeiro por razón de gravame de carácter persoal.

2. Por dobre imposición internacional nos supostos de aplicación do réxime de transparencia fiscal internacional. Indicará o importe da dedución.

3. Por dobre imposición nos supostos de aplicación do réxime de imputación de rendas derivadas da cesión de dereitos de imaxe. O programa trasladará o dato consignado no apartado de imputación de rendas por cesión dos dereitos de imaxe.