10.1.15. Para fomentar o exercicio físico e a práctica deportiva

Contía

O 15% das cantidades satisfeitas no período impositivo en concepto de cotas de pertenza ou adhesión a ximnasios, centros deportivos, clubs deportivos, federacións deportivas e seccións deportivas ou de recreación deportiva doutras entidades non deportivas, para o desenvolvemento de actividades de exercicio físico ou práctica deportiva, cun importe máximo de 100 euros anuais por contribuínte.

Requisitos e condicións

• As actividades de exercicio físico ou práctica deportiva que dan dereito á dedución son as realizadas polo contribuínte ou polo seu cónxuxe ou parella inscrita no Rexistro de Parellas de Feito da Comunidade Autónoma de Andalucía ou en rexistros análogos doutras Administracións Públicas, ou por aquelas persoas que dean dereito á aplicación do mínimo por descendentes e ascendentes.

• Terá dereito a aplicar esta dedución o contribuínte que satisfixese de forma efectiva, total ou parcialmente, as cantidades que constitúan o gasto obxecto da dedución.

  Cando o gasto fose satisfeito por varios contribuíntes, a dedución aplicarase en función das cantidades efectivamente abonadas por cada un, respectando en todo caso o límite de 100 euros anuais por contribuínte.

• O contribuínte estará obrigado a conservar durante o prazo máximo de prescrición os xustificantes e documentos que acrediten o dereito a gozar da dedución.

Formalización

Para cada prestador do servizo reflectirá o NIF e o importe anual satisfeito con dereito a dedución.

A información trasladarase ao Anexo B.14 da declaración.