10.10.16. Por doazóns de diñeiro a entidades culturais, artísticas e para patrocinio a deportistas

Contía

1. O 20% das cantidades doadas durante o exercicio a entidades con domicilio fiscal en Extremadura que desenvolvan no territorio da comunidade autónoma algunha das seguintes actividades:

   • A cinematografía, as artes audiovisuais e as artes multimedia.

   • As artes escénicas, a música, a danza, o teatro e o circo.

   • As artes plásticas ou belas artes, a fotografía e o deseño.

   • Edicións literarias, fonográficas e cinematográficas, en calquera soporte ou formato.

   • As relacionadas coa investigación, documentación, conservación, restauración, recuperación, difusión e promoción do patrimonio cultural material e inmaterial de Extremadura.

   • O folclore e as tradicións populares, especialmente a música popular e as danzas tradicionais.

   • As artes aplicadas como a ourivaría e cerámica artesanal.

2. O 20% das cantidades doadas durante o exercicio coa finalidade de patrocinar deportistas con domicilio fiscal en Extremadura que se dediquen voluntariamente e de maneira habitual á práctica deportiva de acordo co que se establece no apartado segundo do artigo 21 da Lei 39/2022, do 30 de decembro, do Deporte, ou norma que a substitúa.

O importe máximo conxunto das dúas deducións non poderá superar os 500 euros anuais por contribuínte.

Requisitos e condicións

• As doazóns deberán ser puras, simples e irrevogables, formalizarse por escrito e deixar constancia expresa de tal carácter no documento que recolla a doazón.

• Non dará dereito á dedución as doazóns realizadas por quen teña a condición de socio, asociado ou partícipe da entidade beneficiaria, ou polo cónxuxe, parella de feito, ascendente ou descendente de calquera deles , sempre que teñan unha cota de participación no capital igual ou superior ao 50 %, xa sexa computada de maneira individual ou conxunta co seu cónxuxe, ascendente ou descendente.

  Tampouco dará dereito á dedución as doazóns realizadas aos deportistas contemplados no artigo 21.2 da Lei 39/2022, do 30 de decembro, do Deporte, cando se efectúen por quen teña a condición de cónxuxe, parella de feito, ascendente ou descendente do beneficiario.

• As entidades donatarias que non estean obrigadas a presentar ante a AEAT a declaración informativa prevista no artigo 24.2 da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado deberán comunicar á Consellaría competente en materia de Facenda as doazóns percibidas en cada ano natural, facilitando o código CNAE da actividade desenvolvida que dá dereito á dedución, así como o nome, apelidos, número de identificación fiscal dos doadores e o importe doado por cada un deles .

  Esta comunicación efectuarase no mes de xaneiro de cada ano a través da Sede Electrónica da Xunta de Extremadura e referirase ás doazóns percibidas no ano inmediato anterior.

Formalización

Consignará as cantidades doadas a entidades culturais e artísticas e as doadas para patrocinio a deportistas.