10.11.22. Polas subvencións e / ou axudas obtidas como consecuencia dos danos causados polos incendios forestais que provocaron a activación do PEIFOGA en Situación 2 ocorridos en Galicia en 2025

Contía

O contribuínte que integre na base impoñible xeral o importe correspondente a unha subvención ou calquera outra axuda pública obtida da Administración xeral da Comunidade Autónoma de Galicia das incluídas no Decreto 76/2025, do 29 de agosto, de medidas urxentes de axuda para a reparación dos danos causados polos incendios forestais producidos en Galicia durante o verán e o outono de 2025, poderá aplicar unha dedución cuxo importe será o resultado de aplicar os tipos medios de gravame ao importe da subvención na base liquidable.

Formalización

Reflectirá o importe da subvención ou axuda que consignou como ganancia patrimonial na base impoñible xeral. Se a subvención ten a consideración de rendemento de actividades económicas indicará a parte de rendemento neto reducido que corresponda á subvención unha vez minorado o seu importe na parte das reducións que puidesen ser aplicables.