4.1.5. Preguntas previas

A pestana “Preguntas previas” ten como obxectivo adaptar dinamicamente o servizo de axuda do modelo 036 á situación particular do contribuínte, facilitando así a súa formalización.

A través de Censos WEB, o contribuínte non necesita declarar manualmente os tributos nin os réximes especiais aos que está suxeito. A propia aplicación encárgase de cubriros automaticamente, en función dunha serie de preguntas sinxelas formuladas ao usuario. Con esta información, determínanse os réximes aplicables de Renda e IVE, así como a alta en Impostos Especiais e en determinados rexistros obrigatorios, como o Rexistro de extractores.

Presentarase o usuario un conxunto de preguntas básicas relacionadas con obrigas fiscais (IVE, IRPF, e outros aspectos censuais), que deberá responder en función das actividades que dese de alta.

O sistema utiliza estas preguntas para:

• Determinar se a actividade está suxeita ou exenta a IVE, mostrando automaticamente os avisos informativos correspondentes en cada caso.

• Permitir (ou non) a renuncia a determinados réximes voluntarios, como:

  • O réxime simplificado de IVE.

  • O método de estimación obxectiva ou estimación directa para o IRPF.

• Detectar a existencia de servizos ou actividades accesorias á actividade principal.

Isto resulta especialmente relevante cando as actividades declaradas poidan implicar a aplicación de réximes fiscais distintos. Por exemplo, un profesional da medicina xeral – cuxa actividade está suxeita e exenta de IVE - que ademais realiza alugamento de locais industriais, unha actividade suxeita e non exenta de IVE.

Exemplo práctico:

• Actividade 1: Médicos medicina xeral (exenta de IVE ) - Grupo/Epígrafe 831, Sección 2ª das Tarifas do Imposto sobre Actividades Económicas.

• Actividade 2: Alugamento local industriais (non exenta de IVE ) – Grupo/Epígrafe 861.2, Sección 1ª das Tarifas do Imposto sobre Actividades Económicas.

Neste caso, o sistema detectará ambas as dúas actividades e proporá os réximes fiscais correspondentes, así como as advertencias aplicables en función da combinación de actividades.

Importancia de responder correctamente ás “Preguntas previas”

Contestar de forma precisa as “Preguntas previas” é un paso clave no proceso de formalización do modelo 036, xa que:

• Activa unicamente as seccións relevantes de Censos WEB, adaptandoo á súa situación fiscal.

• Evita mostrar campos innecesarios ou non aplicables, reducindo erros e simplificando o proceso.

• Facilita o cumprimento correcto das obrigas fiscais, segundo a normativa vixente.

Unha vez respondidas todas as preguntas e pulsado o botón “Aceptar”, a aplicación:

• Determina cales van ser os réximes de tributación aplicables.

• Reconfigura automaticamente a estrutura do servizo.

• Habilita novas pestanas en función das obrigas detectadas, tales como:

  • "Réximes aplicables"

  • "Outros datos de IVE"

  • "Retencións e ingresos a conta "

  • "Outros impostos"

  • "Comercio intracomunitario"

Consello práctico: Revise coidadosamente as súas respostas antes de “Aceptar”. Se modifica as actividades despois deste paso, cumprirá volver responder as preguntas previas e recalcularanse os réximes aplicables.

Pode volver atrás en calquera momento pulsando sobre as pestanas de navegación, xa que aínda non presentou ningunha declaración. Non obstante, isto pode implicar ter que volver contestar ás mesmas preguntas ou outras adicionais.

Tamén pode reiniciar a formalización de Censos WEB pulsando o botón “Saír”.

Nalgúns casos, a actividade declarada pode xerar outras obrigas formais adicionais á presentación do modelo 036.

Nestes supostos, o sistema pode mostrar unha mensaxe de advertencia, como o seguinte exemplo:

Ante estas situacións, o servizo mostrará automaticamente a pestana “Réximes aplicables”, para que poida continuar coa tramitación conforme aos réximes establecidos.