Saltar ao contido principal
Modelo 200. Declaración do Imposto de Sociedades 2018

1.7.1 Documentación que debe presentarse coa declaración

Canda a declaración do Imposto, os contribuíntes deberán presentar por vía electróni­ca a través da Sede electrónica da Axencia Estatal de Administración Tributaria (enderezo electrónico https://sede.agenciatributaria.gob.es ), os seguintes documentos debidamente cubertos:

  1. Os contribuíntes do Imposto sobre Sociedades que imputen na súa base impoñible de­terminadas rendas positivas obtidas por entidades non residentes, nos termos estable­cidos no artigo 100 da LIS (estes contribuíntes deberán marcar a clave [00007] «Imputación en base imp. rendas positivas art. 100 LIS» da páxina 1 do modelo 200), presentarán, os seguintes datos relativos a cada unha das entidades non residentes en terri­torio español:

    • Nome ou razón social e lugar do domicilio social.

    • Relación de administradores e lugar do seu domicilio fiscal.

    • Balance, conta de perdas e ganancias e memoria.

    • Importe da renda positiva que deba ser obxecto de imputación na base impoñible.

    • Xustificación dos impostos satisfeitos respecto da renda positiva que deba ser ob­jeto de imputación na base impoñible.

  2. Os contribuíntes polo Imposto sobre a Renda de non Residentes (establecementos per­manentes e entidades en réxime de atribución de rendas constituídas no estranxeiro con presenza en territorio español) deberán incluír, se é o caso, a memoria informativa a que se refire o artigo 18.1.b) do TRLIRNR.

  3. Os contribuíntes a quen lles fose aprobada unha proposta para a valoración pre­via de operacións efectuadas entre persoas ou entidades vinculadas, presentarán o infor­me ao que fai referencia o artigo 28 do RIS.

  4. Os contribuíntes que realicen operacións de fusión, escisión, achega de activos, troco de valores e cambio de domicilio social dunha Sociedade Europea ou unha Sociedade Cooperativa Europea dun Estado membro a outro da Unión Europea ás que se lle aplica o réxime tributario previsto no Capítulo VII do Título VII, e, que de acordo co artigo 48 do RIS , deben presentar unha comunicación co contido ao que se refire o artigo 49 do devandito Regulamento.

  5. Os contribuíntes nos exercicios en que practiquen a dedución contemplada na dis­posición transitoria décimo cuarta da LIS , deberán presentar a información á que fai referencia a disposición transitoria quinta do RIS .

Estes documentos, solicitudes ou manifestacións presentaranse a través de Internet, para o cal o declarante ou presentador deberá conectarse a través da Sede electrónica da Axencia Estatal de Administración Tributaria ao enderezo electrónico https://sede.agenciatributaria.gob.es e, dentro da opción de Impostos e Taxas, a través de Procedementos, Servizos e Trámites (Información e Rexistro), seleccionar o concepto fiscal oportuno e o trámite de «Achega de documentación complementaria» que corresponda segundo o procedemento asignado aos modelos.