2.6.3.7 Transmisión elementos patrimoniais arts. 27.2.d) e 77.1 LIS

Este campo será marcado por aquelas entidades que obtivesen no período impositivo obxecto de declaración rendas derivadas da transmisión de elementos patrimoniais ás que sexa de aplicación o que se establece nos artigos 27.2.d) e 77.1 da Lei do Imposto sobre Sociedades.

Con esta finalidade, o artigo 27.2 da LIS establece na súa letra d) que o período impositivo concluirá en todo caso, cando se produza a transformación da forma societaria da entidade, ou a modificación do seu estatuto ou do seu réxime xurídico, e iso determine a modificación do seu tipo de gravame ou a aplicación dun réxime tributario distinto.

A renda derivada da transmisión posterior dos elementos patrimoniais existentes no momento da transformación ou modificación, entenderase xerada de forma lineal, agás proba en contrario, durante todo o tempo de tenza do elemento transmitido. A parte da devandita renda xerada ata o momento da transformación ou modificación gravarase aplicando o tipo de gravame e o réxime tributario que correspondese á entidade de conservar a súa forma, estatuto ou regimen orixinario.